JEREMIA 4:5 - Pathien Lekhabu Inthieng (BSI)

⁵ Juda rama chun hrilfie unla, Jerusalema chun phuong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kul- neiahai chun fêng ei tiu,” tiin.

JEREMIA 4:5 ပူးပေါင်းရင်းမြစ်များ

ISAI 28:19

A luong tlang po leh la pei a ti cheu a; tûk tin tûk tinin, a sûn a zânin, a luong tlang âwm sih a; thu incha umze hriet chu thil râpthlâk ruok nîng a tih,” tiin.

JEREMIA 11:2

“Hi thuthlung thuhai hi lo ngai la, Juda rama mihai le Jerusalem hluotuhai kuoma chun hril rawh;

JEREMIA 35:11

Amiruokchu, Babulon lal Nebukadnezzar chu hi rama hin a hung lai khan, ‘Thaw ro, Kaldai sipaihai ṭi lei le, Suria sipaihai ṭi leiin, Jerusalemah hang fêng ei tiu,’ kan tih a; chuongchun, Jerusalema chun kan hang chêng tah a,” tiin.

JEREMIA 5:20

Jakob sûngkuoa chun hi hi hril unla, Juda rama chun phuongdar ro;

JEREMIA 6:1

Nangni Benjamin thlahai, Jeru- salem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake- rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk sih a.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; LALPA chunga chun thil ei lo suksuol ta leiin, LALPA ei Pathien chun bohmangnaa um dingin a mi sie tah a, tûr pawl tui chu dâwn dingin a mi pêk tah a.

JEREMIA 9:12

Hi hi a hrilfie theina dinga LALPA bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta nâwm a na?

EZEKIEL 7:14

Tawtawrâwt chu an mût tah a, mi po po chu an inringtir vawng tah a; nisienlakhawm, tukhawm indonaa chun an fe nawh a; ka lunginsenna chu mipui po po chunga chun a um sih a.

HOSEA 8:1

Tawtawrâwt chu i hmûrah inbûk rawh; LALPA sûnghai chungah mupui angin a hung ie; Ka thuthlung an bawsiet a, Ka dân an helsan leiin.

JOEL 2:1

Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

AMOS 3:6

Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?

AMOS 3:8

Sakeibaknei ân rûm a, tuin am ṭi nâwng a ta? Lalpa PATHIEN chun thu a hril a, tuin am hril naw thei an ta?” tiin.

NAMBAR 10:2

“Tangkaruo tawtawrâwt pa- hni siem la, a suta sutin siem rawh; mipuihai ko khâwmna ding le insuoktirna dingin i hmang ding a nih.

NAMBAR 10:3

Chu chu an mût pha chun mipui po po chu i kuomah intuokna puon in kawtkhâr bulah an hung inkhâwm vawng ding a nih.

JOSUA 10:20

Chun, Josua le Israel thlahai chun an chimit hmakhata, an that an that zo a, a um sunhai khawm chu khawpui kulpui neia dâm an lût hnung chun,