JEREMIA 4:29 - Pathien Lekhabu Inthieng (BSI)

²⁹ Khawpui sûng po po chu sakawr chung chuong mihai le, thal kâp mihai ria chun an tlânseh a; chîm- bukahai chun an feh a, râwlkhoahai chun an lâwn a; khawpui tinhai chu mâksanin a um a, mi hrim an chêng ta nawh a.

JEREMIA 4:29 ပူးပေါင်းရင်းမြစ်များ

2 CHANCHIN SUINA 33:11

Chuleiin, LALPAIN Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui tah a.

ISAI 30:17

Mi pakhat ihrâwkin tlân dur dur in tih; a tâwpa chun tlâng sîpa pholêng târ ang le, muol chunga inchikna mâksana um angin la um el in tih.

ISAI 6:12

LALPAIN mihai chu hlatakah a sawn a, ram sûnga hmun mâksan hnung tamtak a um hmakhat chun.

JEREMIA 16:16

LALPA chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuok- tuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 52:7

Chun, khawpuia chun lamrel siem a ni tah a, lal huon sîra, bang pahnihai inkâra dai kawtkhâr lam- puia chun zânah indo mihai po po chu an tlân suok tah a (chuongchun, Kal- daihai chun khawpui chu a vêlin an umngha a na) Araba tieng lampuia chun an fe tah a.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

AMOS 9:1

Mâichâm bula ngîrin Lalpa chu ka hmuh a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

LUKA 23:30

Chu pha chun mihaiin tlâng kâwla dâm, ‘Mi del rawh,’ la tîng an ta; muol kâwla dâm, ‘Mîn khum rawh,’ la tîng an tih.

1 SAMUEL 13:6

Chun, Israel mihai chun hnaw- chêpin an um ti an inhriet chun, (mihai chu an lunginzîng ta hle el a) mihai chu pûka hai, chîmbuka hai, lungpui phêna hai, kula hai, khur sûnga hai an inbih a.