JEREMIA 4:28 - Pathien Lekhabu Inthieng (BSI)

²⁸ Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

JEREMIA 4:28 ပူးပေါင်းရင်းမြစ်များ

ISAI 24:4

Hnuoi hi a ṭapin a ṭuoi a, khawvêl hi a ṭuoiin a châu a, hnuoia mi chunghnunghai chu an châu ie.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lungin- zingna ruok nîng a tih, var hlak chu chutaka sûmahai chun sukthimin a um a.

ISAI 50:3

Vân khi inthimnain kân thuom hlak a, saiip puon ân khumna dingin ka siem hlak,” tiin.

JEREMIA 12:11

Râusanah an siem tah a; râu- sana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni tah a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a feh a.

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha nawh a, an hrâtna khawm chu ân dik nawh.

JEREMIA 23:20

Thawa a um hmakhat chun LALPA lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 30:24

A thaw hmakhat chun LALPA lunginsenna chu hung kîr nâwk ta naw nih a; a lungrila a tum chu a thaw hmakhat chun: hi hnung tieng nihaia chun la hrieng in tih,” tiin.

JEREMIA 51:12

Babulon kul banghai epa chun puonzâr chu khai unla, râlvêng chu sukhrât unla, vêngtuhai sie unla, râlvêng chu buotsai bawk ro; Babulon hluotuhai chunga chun LALPA chun a thurawt le a hril chu a thaw a ni ta hi.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawng- ṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw cheh a.

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

EZEKIEL 24:14

Kei LALPA chun ka hril tah a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa PATHIEN chun a tih,” tiin.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

JOEL 1:10

Lo chu suksiet a na, ram chu a lungngai a, bu chu suksiet a na, uoin thar chu a kang a, hriek khawm chu a chau a.

ZEKARIA 8:14

Sipaihai LALPA chun hieng hin a ti sih a, “In thlatuhaiin lunginsen dinga an mi chawktho laiin in chunga thil ṭha naw thaw ka lungril a, chu chu kân sîr naw bawk angin, sipaihai LALPA chun a tih;

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih?

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

MARKA 15:33

Chun, nisa inding huna chun, zânbu suong pha chenin khawvêl a hung inthim ta vawng a.

LUKA 23:44

Chun, nisa inding lai a hung na, chu chena inthawk zânbu suong pha chenin khawvêl a hung inthim ta vawng a, nisa var a hung bo tah a;

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 1:9

a ditzâwng thurûk, a lungni- zâwngtaka amaa thaw a itum chu eini kuomah mîn hriettirin,

HEBRAIHAI 7:21

ama ruok chun, “ ‘Nang chu chatuona Thiempu i nih,’ tiin Lalpa ân khâm a, inkîr nâwk ta naw ni,” tia hriltu kut khan (inkhâma Thiem- pua siem a ni lem),

THUPUONGSUO 6:12

Chun, inchikna parukna chu a hang sût lai ka en zing a, chun, simkhawleihnuoi nasatakin a hung inhnîng a; chun, nisa chu sahmul saiip puon angin a hung dum a, thla khawm chu a pumin thisen angin a hung um tah a.

1 SAMUEL 15:29

Chun, Israelhai Thahrui chu inkhêl naw nih a, inkîr bawk naw nih; mihriem anga inkîr nâwk el mi a ni nawh a,” a ta.