JEREMIA 4:27 - Pathien Lekhabu Inthieng (BSI)

²⁷ LALPA chun hieng hin a ti sih a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 4:27 ပူးပေါင်းရင်းမြစ်များ

2 CHANCHIN SUINA 36:21

chu ram chun a châwlni a hmang hmakhat chu Jeremia baua LALPA thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

NEHEMIA 9:31

Nisienlakhawm, i zainêmna na- satak chun an tâwp sawng elna ding chu în tlungtir nawh a; i thlathlam chuong bawk nawh, Pathien mi lunginsiet theitak, lainatnaa sip i ni sih a.

ISAI 17:6

Nisienlakhawm, oliv thing vuok hnunga a zikpui insângtak lêra ra pahni pathum amanih, thing ratak zâr seitaka hai pali panga amanih a um hlak ang hin chutaka chun hmu ṭhel rût ding la um a tih, LALPA Israelhai Pathien chun a tih.

ISAI 24:1

Ngai ta, LALPA chun hnuoi hi sukruokin, a sukram ding a na, a letkhupin, a umhai chu a sukdar ding a nih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 30:11

Nangma sandam ding chein i kuomah ka um sih a, LALPA chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti cheh a, hrem loin ieng kawnga khawm mâk- san naw ning che.

JEREMIA 4:20

Bohmangna chungah bohmang- na a tlung a; ram pumpui chu suksiet a ni ta sih a, chawmkhat kârin ka puon inhai chu suksiet an na, mit- khap kâr loin ka puonzârhai khawm chu.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, LALPA ta an ni si nawh a.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, LALPA chun a tih.

JEREMIA 7:34

Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

ṬAP HLA 2:7

LALPA chun a mâichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, LALPA ina chun an khêkri chêl chûl a,

EZEKIEL 11:13

Chun, thu ka hril lai chun Benaia naupa Pelatia chu a thi tah a. Chun, ka hmaia hnuoi sikin ka bawk- khup a, râwl inringtakin ka khêk a, “A khai, Lalpa PATHIEN! Israel la um sunhai hi i suktâwp el ding am a nih?” tiin.

EZEKIEL 20:17

Nisienlakhawm, anni suksiet- naa inthawk chun ka mit chun a hlah a, thlalêra khan anni chu ka lo suktâwp dêr el bawk nawh a.

EZEKIEL 33:28

Ram chu râusanah siem ka ta, maktia um ding leh; a thilthawtheina chapona chu re tâng a ta, Israel tlânghai chu râusan ni tâng a ta, tukhawm fethleng ta naw ni hai.

EZEKIEL 6:14

Chun, an chunga chun ka kut chu inlet ka ta, thlalêra inthawka Dibla tieng, an hluona sûng po po chu, ram chu râusana siemin suk- sieng ka tih; chun, LALPA chu ka ni ti mi hre tâng an tih,” tiin.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 26:44

Nisienlakhawm, chuonghai po po leia an hmêlmahai rama an um sûng khawm chun, anni sukbo- hmang dêr ding le anni le ka thuthlung chu sukse dingin anni chu pei thla naw ningah, theida naw bawk ka tih; kei hi LALPA an Pathien chu ka ni sih a;

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.