JEREMIA 4:24 - Pathien Lekhabu Inthieng (BSI)

²⁴ Tlânghai chu ka en leh, ngai ta, an inthin a, muolhai po po khawm chu hnungtieng hmatieng an in- sâwi a.

JEREMIA 4:24 ပူးပေါင်းရင်းမြစ်များ

1 LALHAI 19:11

Ama chun, “Va suok la, tlânga sawn LALPA hmaah va ngîr rawh,” a ta. Chun, ngai ta, LALPA chu a hung a, thlipui hrâttakin tlâng dâm chu LALPA hmaa chun a hung mût kak a, lungpuihai chu a kawi remrum a, nisienlakhawm, thlia chun LALPA chu a um nawh; chun, thli hrâng zo chun simkhawleihnuoi a hung in- hnîng a; nisienlakhawm, simkhawlei- hnuoi inhnînga chun LALPA chu a um nawh;

INPÂKNA HLABU 18:7

Chu phingle chun hnuoi hi ân hnîng a, ân thin tah a, A lunginsen leiin tlânghai khawm chu, Ân nghatna pumin ân thinin ân hnîng tah a.

INPÂKNA HLABU 77:18

I vâninrûm ri chu thlivirah a um a, Kâwlinlephai chun khawvêl hi a el zawt zawt a; Hnuoi hi inthinin ân hnîng dur dur a.

INPÂKNA HLABU 97:4

A kâwlinlephai chun khawvêl hi a el zawt zawt a, Hnuoi hin a hmuh a, ân thin a.

FESUOKNA 19:18

LALPA chu meichawka a hung ṭum leiin, Sinai tlâng po po chu a khu ta vawng el a; chu khu chu rawtuina meikhu angin ân tung ta lui el a: tlâng chu nasatakin ân hnîng bawk a.

ISAI 13:13

Chuongchun, vân khi sukthin ka ta, sipaihai LALPA lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a baw- sietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 8:16

Dana inthawk chun a sakawr- hai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo sih a; khawpui le a sûnga chênghai le khawm chun.

JEREMIA 9:10

An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

EZEKIEL 38:20

chuongchun, tuisuorieta ngahai dâm, chunglêng vatehai dâm, rama ramsahai dâm, hnuoi chunga bawk- vâka invâk thilhringhai po po dâm, hnuoi phêk chunga mihriem umhai po po dâm, ka hmaihmaa chun inthin an ta, tlânghai chu pei thlûkin um an ta, hmun inṭênhai chu tlathlâng an ta, kulbang tinhai chu hnuoiah tlâng an tih.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

HABAKKUK 3:10

Tlânghai chun an hmu cheh a,an ṭih a; Tui insawkhai khawm chu an fe hmang tah a; Li inthûk chun a râwl ânsuoh a, A kuthai chu chungtieng a phar a.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar tah a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

THUPUONGSUO 6:14

Vân chu lekhabu zuolmi zuola ân hmang angin, ân hmang tah a; tlâng le thlierkâr tinrêng chu an umnaa inthawkin sawnin an um tah a.