JEREMIA 4:16 - Pathien Lekhabu Inthieng (BSI)

¹⁶ hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 4:16 ပူးပေါင်းရင်းမြစ်များ

ISAI 34:1

Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.

ISAI 39:3

Chuong lai chun zâwlnei Isai chu lal Hezekia kuoma chun a hung a, a kuomah, “Nakieta mihai khan ieng am an hril a? Khâw laia inthawkin am i kuomah an hung a?” a ta. Hezekia chun, “Ram hlataka in- thawkin, Babulona inthawk chun ka kuomah an hung a nih,” a ta.

JEREMIA 1:15

Ngai ta, hmâr tienga lalram sûngkuohai po po chu ka ko ding a ni si a, LALPA chun a tih; chun, hung an ta, mi tin chun Jerusalem dai kawt- khâr lûtnaa le a vêlsuokin kul bang- hai bula le, Juda khawpuihai po poa chun an lalṭhungpha chu hung innghat an tih.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu suk- kâwk bawk naw ni hai;

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um loin a kâng zo tah a.

JEREMIA 31:10

Aw nangni hnamhai, LALPA thu chu ngai unla, thlierkâr hlataka- hai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 39:1

Juda ram lal Zedekia inlal kum kuona, thla sâwmnaa chun Babulon lal Nebukadnezzar chu a sipaihai po po leh Jerusalemah a hung a, a hung rûn tah a;

JEREMIA 4:17

Lo vêngtuhai ang elin, a vêlin an umnghah a; keia chungah a lo hel ta leiin, LALPA chun a tih.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, LALPA chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

JEREMIA 5:6

Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:2

“Hnamhai laia chun hril la, phuong rawh, chun, puonzâr chu khai la, phuong la, thup naw rawh, ‘Babulon chu lâkin a um a, Bêl chu sukzak a na, Merodak chu a bei- dawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 6:18

Chuleiin, hnamhai, lo ngai unla, lo hre ta u, aw inkhâwmhai, anni laia thil um chu.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 6:22

LALPA chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

JEREMIA 8:19

Ka chipuihai naunu ram hla- taka inthawka a khêkri chu lo ngai ta u, “LALPA chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

EZEKIEL 21:22

A changtieng kuta chun Jerusa- lem ta dinga, kâphmunhai siemna ding le, thattuhai ta ding bau kâk ding le, khêka râwl insuo ding le, dâi kawtkhârhai epa kâphmunhai siem ding le, hnuoi dêng pâwnghai siem a, kulhai bâwl ding thu aisânna chu a um a.