JEREMIA 39:16 - Pathien Lekhabu Inthieng (BSI)

¹⁶ “Fe la, Ethiopia mi Ebed-melek kuoma khan hieng hin va hril rawh, Sipaihai LALPA, Israel Pathien chun hieng hin a tih: Ngai ta, thil ṭha tiengah ni lovin, thil ṭha naw tiengah hi khawpui chunga hin ka thuhai chu ka hung intlungtir ding a nih; chun, chu nia chun nanga hmaa chun suk- kim nîng an tih.

JEREMIA 39:16 ပူးပေါင်းရင်းမြစ်များ

2 CHANCHIN SUINA 36:21

chu ram chun a châwlni a hmang hmakhat chu Jeremia baua LALPA thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

INPÂKNA HLABU 92:11

Ka mitin ka hmêlmahai chunga ka duthusâm tlung chu a hmu tah, Ka na hin thil ṭha naw thawtu, a mi hung thawtuhai chunga ka duthusâm tlung ri chu a hriet tah.

JEREMIA 26:15

Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluo- tuhai chunga chun mi thiem thisen chu in intlungtir ngei ding a nih; thil dikah, LALPA chun in na hrieta hieng thuhai po po hi hril dingin in kuomah a mi hung tir a ni sih a,” tiin.

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai LALPA chun hieng hin a tih: Zion chu lo anga inlet nîng a ta; Jerusalem chu hmunhnawk sie- khâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 26:20

Chun, mi pakhat, LALPA hminga thuhriltu, Kiriath-Jearima Semaia naupa Uria chu a um a, ama khawm chun Jeremia thu ang tak pei chun hi ram le hi khawpui siet ding thu a hril veh a;

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; LALPA chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um loa râusanah siem ka tih,” tiin.

JEREMIA 35:17

chuleiin, LALPA, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 36:31

Chun, ama le a thla le sie- hlawhai chu an suolna leiin hrem ka ta, chun, an chunga le, Jerusalem hluotuhai chunga le, Juda rama mihai chunga chun, an chunga tlung dinga ka hril, thil ṭha nawhai po po kha intlungtir ka tih; nisienla- khawm, an la ngai naw rawp a,” tiin.

JEREMIA 40:3

chuongchun, LALPA chun a hung intlungtir a, a hril ang ngei chun a hung thaw tah a; LALPA chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

JEREMIA 44:27

Ngai ta u, thil ṭha tiengah ni loin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwl- hnâm dâma anni chu sukbohmang nîng an tih.

JEREMIA 5:14

Chuleiin, LALPA, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.

AMOS 9:4

An hmêlmahai hmaah salah fe hai sien khawm, chutaka kâwlhnâm chu thu pêng ka ta, anni chu sât hlum a tih, ṭhatna ni loin, ṭhat nawna dingin an chungah ka mit infûktir ka tih,”

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

MATTHAI 24:35

Hnuoi le vân bo a ta, ka thu ruok chu bo naw ni.