JEREMIA 38:22 - Pathien Lekhabu Inthieng (BSI)

²² Ngai ta, Juda ram lal ina nu- hmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriet- takhai chun an hlêm cheh a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

JEREMIA 38:22 ပူးပေါင်းရင်းမြစ်များ

JOB LEKHABU (THE BOOK OF JOB) 6:15

Ka unauhai chun vadungtê angin khawhlotakin an thawh a, Vadung tui inrelhmang hlakhai ang el chun.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let tah a.

INPÂKNA HLABU 69:14

Chirhaka inthawk hin mi sanhim la, mîn tlumtir lul naw rawh. A mi theidatuhaia inthawk le, tui inthûktaka inthawk hi sanhimin mîn umtir rawh.

INPÂKNA HLABU 69:2

Chirhak inthûktak, sirsan hrim hrim um nawnaah ka tlum duok duok hi, Tui inthûktak, tui lien a mi chîm tlumnaahai, ka lo lût ta hi.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

JEREMIA 27:14

In kuoma ‘Babulon lal rawng chu in bâwl ding a ni nawh,’ titu zâwlneihai thu chu ngai naw ro: in kuoma chun thukhêl an hril sih a.

JEREMIA 27:15

LALPA chun a tih: Anni chu ka tir si nawh a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 38:19

Chun, lal Zedekia chun, Jeremia kuoma chun “Juda mihai Kaldaihai tienga va kawp tahai kha ka ṭi a nih; an kuta khan mi pe hlau an ta, mi nuisan rawi an tih,” a ta.

JEREMIA 38:21

Amiruokchu, vân pêk chu i nuom naw chun, hi hi a nih LALPAIN thu a mîn entir chu.

JEREMIA 41:10

Chun, Ismael chun Mizpaa mi la chuonghai po po, lal naunuhmeihai le, Ahikam naupa Gedalia kuoma Nebuzaradanin ân kawltir Mizpaa la umhai po po chu salah a ṭhuoi hmang tah a; Nethania naupa Ismael chun anni chu salah a ṭhuoi a, Ammon thlahai chu fethlengpui dingin a fe suok tah a.

JEREMIA 43:6

pasalhai, nuhmeihai, naupang- hai, lal naunuhmeihai le, mi tin Nebuzaradanin Saphan naupa Ahikam, chu naupa Gedalia le zâwl- nei Jeremia le, Neria naupa Baruk kuoma a mâksanhai chu an ṭhuoi a;

JEREMIA 46:21

A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlân hmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 46:5

Iengtizie am an ta le? An bei- dawng zo a, an hnungtawl tah a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, LALPA chun a tih.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

ṬAP HLA 1:13

Chungtienga inthawkin ka ru sûngah mei a hung tir a, anni chu a hne tah a, Ka kehai ta dingin lên a phah a, a mi keikîr tah a; Râusanah a mi siem a, chauin ka um ni tin a.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 5:11

Nuhmeihai chu Zionah suollui an nih a, Nunghâkhai chu Juda khawpuihaiah an suol- lui a.

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.