JEREMIA 38:20 - Pathien Lekhabu Inthieng (BSI)

²⁰ Nisienlakhawm, Jeremia chun, “Nang chu pe suok naw ni hai che. LALPA râwl i kuoma thu ka hrilna hi awi el rawh, ka ngên che hi, chuong- chun, i ta dingin ṭhâng a ta, i hringna khawm hlain um a tih.

JEREMIA 38:20 ပူးပေါင်းရင်းမြစ်များ

INṬANNA 12:13

I zâra ṭhataka ka um theina ding le, nangma leia ka hring theina dingin, ‘A farnu ka nih,’ ti pei rawh aw,” a tih a.

INṬANNA 19:20

En ta, saw khuo saw tlânna dingin a hnai tak a, khaw chite a ni bawk siha, chutaka chun (khaw chite ni lo am a nih?) mîn tlântir lem rawh, chuongchun, dam ka tih,” a tih a.

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang feh a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; LALPA in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

THUVARHAI 4:4

Chun, a mîn chûktir a, ka kuomah a hril a, “Ka thuhai hi i lungril invawngtir zing la; Ka thupêkhai hi vawng la, hring rawh;

THUVARHAI 7:2

Ka thupêkhai hi kawlin khawsa la, Ka închûktirna chu i mitnautê angin;

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 11:8

Nisienlakhawm, an awi nawh a, an na khawm an sit bawk nawh a, amiruokchu, mi tin chu mâni lungril ngarna ang pei chun an fe lem a; chuleiin, an chunga chun hi thu- thlung thuhai po po hi ka hung intlungtir a, chuong chu thaw dingin thu ka pêk a, nisienlakhawm, an thaw nawh a,’ tiin.

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 38:21

Amiruokchu, vân pêk chu i nuom naw chun, hi hi a nih LALPAIN thu a mîn entir chu.

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

AMOS 5:4

LALPA chun Israel chihai kuoma chun hieng ang hin a ti sih a: “Mi zawng unla, hring in tih;

AMOS 5:6

LALPA chu zawng unla hring in tih, chuong naw chun, Josef inah mei angin suok a ta, kâng vawng a ta, Bethel khuoah sukrêm dingin tu- khawm um naw ni hai;

THILTHAWHAI 26:29

Paula chun, “Sâwt sienla, sâwt naw sienla, nang chau ka ti nawh a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve loin,” a ta.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui loa in hmu nawna dingin, ama thawpuiin ka ngên cheu a nih.

JAKOB 1:22

Nisienlakhawm, mâni inhlêm a, thu ngaituhai chau ni loin, thu zâwmtuhai lo ni lem ro.