JEREMIA 36:7 - Pathien Lekhabu Inthieng (BSI)

⁷ An hnina chu LALPA hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna LALPAIN a hril chu a nasa hle sih a,” tiin.

JEREMIA 36:7 ပူးပေါင်းရင်းမြစ်များ

2 LALHAI 22:13

“Kei le, mipui le, Juda mihai po po hi hi lekhabu hmua thu chuonga hin LALPA mi va râwnpêk ta u, ei thaw dinga hi lekhabua ziek ang po po hi ei pi le puhaiin an lo zâwm naw leiin ei chungah LALPA lunginsenna chu a ṭal nasa ta êm hi,” a ta.

2 LALHAI 22:17

an mi mâksan a, pathien danghai kuomah riminhnik an rawh a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

2 CHANCHIN SUINA 34:21

“Fe unla, kei le, Juda le Israel rama mâksana la umhai ta ding hin lekhabu hmu suoka um thu ang khan LALPA mi hung râwnpêk ta u; lekha- bua ziek po po, ang taka thaw dinga, ei thlatuhai chun LALPA thu chu an lo pawm ta naw lei khan, LALPA lunginsenna ei chunga bunthlâka um hi a nasa a nih,” tiin.

JEREMIA 1:3

Juda lal Josia naupa Jehoiakim hun lai, Juda lal Josia naupa Zedekia kum sâwm pakhat kum tâwp chen; Jerusalem sala ṭhuoihmanga a um a thla ngana chen chun a hung tlung zing a.

JEREMIA 16:10

“Chun, hieng thuhai po po hi hieng mihai kuoma hin în entir pha chun i kuoma chun ‘Iengleiin am hieng thil ṭha naw nasatakhai hi kan chungah LALPA chun a hung sâk- suok am a na? Annawleh, ieng am a na kan khawhlona chu? LALPA kan Pathien chunga kan lo thaw tah, kan suolna chu ieng am a na?’ tîng an ta;

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 21:5

Keima ngeiin bân phar le kut hrât- in, lunginsenna le, ṭitumna le nasa- taka lunginthakna leh do ka ti cheh a.

JEREMIA 25:5

‘Mi tin el chu tuhin in thilthaw indik nawhaia inthawk le, mâni lam- pui suola inthawk chun kîr seng unla; nangni le in thlatuhai kuoma inhma le kumkhuoa dinga, LALPAIN ram a pêk cheua chun chêng ro;

JEREMIA 26:3

Anni chun ngai an ta, mi tin chu mâni lampui suola inthawk chun an kîr el thei a nih; chuongchun, an thilthawhai suol leia an chunga thil ṭhalo thaw dinga ka tumhai khawm chu kân sîr el thei a nih.

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 37:20

Chun, tuhin lo hre ta, aw ka pu lal, ka hni che, ka hnina hi, ka ngên che, i hmaa hin pawm ni raw se: lekhaziektu Jonathan ina khan mîn kîr tir nâwk ta naw rawh, chuong naw chun thi rawi ka tih,” a ta.

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, LALPA i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

ṬAP HLA 4:11

LALPA chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 12:3

Chuleiin, nang mihriem naupa, sal intâng ding angin thuomhnaw intêl la, sûnah an mithmu ngeiah fe suok rawh; chun, an mithmua chun i hmuna inthawkin hmun dangah insawn rawh; sûngkaw hel hmang an ni nâka chu an ngaituo thei rawi mawh.

EZEKIEL 13:13

Chuleiin, Lalpa PATHIEN chun a tih; Ka lunginsenin thlipui hrângin suksieng ka tih; ka lunginsennaa chun ruo a hrâta hrâta sûr um a ta, a sukbohmang ding lunginsena riel nasatak leh.

EZEKIEL 20:33

“Lalpa PATHIEN chun ka hring zing angin, kut hrâttak le, bân phar le lunginsenna bunthlâkin in chungah lal nîng ka ta,

EZEKIEL 22:20

Tangkaruo dâm, dârsen dâm, thîr dâm, rângva dâm, suon dâm pûmmeia an mût dinga suktui dinga an lâk khâwm angin, ka lunginsenna le ka ṭiumnain la khâwm ka ti cheu a, chutaka chun sieng ka ti cheu a, suktui ka ti cheu.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei LALPA hin ṭhahnemngaia ka lo hril a ni ti hre tâng an tih.

EZEKIEL 8:18

Chuleiin, kei khawma lungin- senin thaw vêng ka ta, ka mitin anni chu hla naw nih a, lunginsietna nei bawk naw ning; ka naa chun râwl inringtakin hung khêk hai sien- khawm, anni chu lo ngai naw ning,” tiin.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni loin, amiruokchu, i zângaina leiin kan hninahai chu i hmaah kan hung intlun a ni lem sih a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

JOEL 2:13

in puon ni loin, in lungril thlêr ro,” a tih. LALPA in Pathien tieng chu ngha ro: ama chu lunginsiet theitak le lainatnaa sip, lunginuoi le zainêm- naa sip, thil ṭha naw chu inlêt hlak a nih.

JONA 3:8

mihriem le ranhai chun saiip puon sil lem hai sienla, nasatakin Pathien ko raw hai se, anih, mi tinin mâni lampui ṭha naw le, an kuta inpâwngnêkna chu nghatsan raw hai se.

ZEKARIA 1:4

Inhmaa zâwlneihaiin an kuoma, ‘Sipaihai LALPA chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, LALPA chun a tih.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,