JEREMIA 36:5 - Pathien Lekhabu Inthieng (BSI)

⁵ Jeremia chun Baruk chu thu a pêk a, “Kei chu khum ka na, LALPA ina chun ka fe thei nawh a;

JEREMIA 36:5 ပူးပေါင်းရင်းမြစ်များ

NEHEMIA 6:10

Chu hnunga chun Mehetabel nau Delaia naupa Semaia, insuk- tumpa ina chun ka feh a; ama chun, “Pathien inah, biekin sûng ngeiah inhmûng ei ti khai; biekin kawtkhâr- hai chu khâr tlat ei ta; nangma that ding chein an hung ding a nih, zânah a nih that ding chea an hung nghe nghe ding chu,” a lo tih a.

INPÂKNA HLABU 88:8

Ka hmêlhriethai chu keia hlatah în umtir a, An ta dinga tirdakumtakah i mi siem tah a; Khârkhumin ka um a, ka suok thei naw a nih.

JEREMIA 20:2

Pas-hur chun zâwlnei Jeremia chu a hrem a, LALPA ina Benjamin dai kawtkhâr chunghnung lema um, intângna ina chun a khum a.

JEREMIA 32:12

vêngtu kulbînga Juda ṭhanghai po po hmaa chun, inchâwkna thu- zieka hrietpuitu mithmua chun, ka pami naupa Hanamel hmaihmaah, inchâwkna thuziek chu Maaseia naupa, Neria naupa Baruk kuoma chun ka pêk tah a.

JEREMIA 32:2

Chuongchun, chu huna chun Babulon lal sipaihai chun Jerusalem chu an inhuol a; chun, zâwlnei Jeremia khawm chu Juda ram lal ina vêngtu kulbînga chun khârkhumin a um a.

JEREMIA 33:1

Chu nawa khawm vêngtu kulbînga khârkhum a ni sûng chun a vawi hninaah Jeremia kuoma chun LALPA thu chu a hung tlung a:

JEREMIA 37:15

Chun, rorêltuhai chu Jeremia chunga chun an lunginsen a, ama chu an hrem a, lekhaziektu Jonathan ina chun lung inah an khum tah a; chu chu lung inah an siem ta sih a.

JEREMIA 38:28

Chuongchun, Jeremia chu vêng- tuhai kulbînga chun Jerusalem chu lâka a um ni chen chun a um tah a.

JEREMIA 38:6

Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût tah a; chuongchun, Jeremia chu khuopnahai le chun an infe thlâktir tah a. Chun, chu khurthim sûnga chun chirhak ti chau naw chu tui khawm a um nawh a, chuongchun, Jeremia chu chirhaka chun ân chie tah a.

JEREMIA 40:4

Tuhin, ngai ta, vawisûn ni hin i kuta khaidiet umhaia inthawk chun kân suo che a nih. Babulon tienga kei mi zui hi i ngaia a ṭha chun, hung la, amiruokchu, Babulon tienga kei mi hung zui chu i ta dinga rin a um chun, ṭhul el rawh; ngai ta, ram po po chu i hmaa chun a um a, khaw tienga khawm i ta dinga ṭha le, i ta dinga remchângna tieng tienga chun, chu tienga chun fe rawh,” a ta.

2 KORINTH 11:23

Krista rawngbâwltuhai an ni maw? (invêt angin hang hril ta inla) ka ni lem hman hman a, sin thaw inrimnaahai nasa nâwk zuolin, intângna ina intângnaahai nasa nâwk zuolin, vuoknaahai inhliek- takin, thinaahai vawi tamtak,

EPHESI 3:1

Chuleichun, kei Paula, nangni Jentailhai leia Krista Isu mi intâng hin.

EPHESI 6:20

chu kawnga chun ka thu hril ding ang chu huoitaka ka hril theina dingin. Chu Chanchin Ṭha palai khaidiet bun ka nih.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,