JEREMIA 34:3 - Pathien Lekhabu Inthieng (BSI)

³ nang khawm a kuta inthawk chun suok naw ti nih a, ṭhuoi ni ngei ngei i ta, a kuta pêk i ni ding a nih: Babulon lal mithai chu nanga mithai ngei chun hmûng a ta, ama chun bau inphâkin i kuomah thu hril a tih; chun, nang chu Babulonah fe bawk i tih.

JEREMIA 34:3 ပူးပေါင်းရင်းမြစ်များ

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 27:22

Babulona chun phur hmang nîng an ta, chutaka chun um an tih, anni ka va sir ni chen chun, LALPA chun a tih: chun, hung la nâwk tâwl ka ta, hi hmuna hin sie nâwk ka tih,” tiin.

JEREMIA 32:28

Chuleiin, LALPA chun hieng hin a tih: Ngai ta u, hi khawpui hi Kaldaihai kuta le Babulon lal Nebukadnezzar kuta chun pêng ka ta, ama chun lâng a tih;

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘LALPA chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 32:4

Juda ram lal Zedekia khawm chu Kaldaihai kuta inthawk chun suok- thleng naw nih a; amiruokchu, Babulon lal kuta chun matheiloin pêk ni lem a tih, ama chu bau le bau inphâkin bieng a ta, a mithai chun ama mithai chu hmu bawk a tih;

JEREMIA 34:21

Chun, Juda ram lal Zedekia le a rorêltuhai khawm chu an hmêlmahai kuta le, an hringna zawngtuhai kuta le, nangnia inthawka hang fe, Babulon lal sipaihai kuta chun pêng ka tih.

JEREMIA 34:4

Amiruokchu, Juda lal Aw Zede- kia, LALPA thu chu lo ngai ta; i chungthua chun LALPA chun hieng hin a tih: Kâwlhnâm chun thi naw ti nih a;

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “LAL- PA kuoma inthawkin thu a um?” a tih a. Chun, Jeremia chun “A um”, a tih a. “Babulon lal kutah pêkin i um ding a nih,” a ti bawk a.

JEREMIA 38:18

amiruokchu, Babulon lal rorêl- tuhai kuomah în pêk naw chun hi khawpui hi Kaldaihai kuta chun pêk nîng a ta, meiin râwng an ta, an kuta inthawk chun nang khawm suok- thleng naw ti ni,” a ta.

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldai- hai ram Babulona chun ṭhuoi ka ta; chutaka chun thi ding ni sien khawm, hmu chu hmu naw ni.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel tah a. A hlawtling ding am a nih? Chuong ang thil- thawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 17:16

Ka hring zing angin, Lalpa PATHIEN chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

EZEKIEL 21:25

Chun, nang aw thi khawp raua hliem mi rilo, Israel lal, ama ni chu a hung tlung mêk a, a tâwpnaa hremna huna hin;