JEREMIA 34:21 - Pathien Lekhabu Inthieng (BSI)

²¹ Chun, Juda ram lal Zedekia le a rorêltuhai khawm chu an hmêlmahai kuta le, an hringna zawngtuhai kuta le, nangnia inthawka hang fe, Babulon lal sipaihai kuta chun pêng ka tih.

JEREMIA 34:21 ပူးပေါင်းရင်းမြစ်များ

2 LALHAI 25:6

Chuongchun, lal chu an man a, Babulon lal kuomah Ribla khuoah an ṭhuoi a; chun, a chungchâng an rêl a.

JEREMIA 22:25

chun, nangma hringna zawng- tuhai kuta le, i ṭi Babulon lal Nebukadnezzar le Kaldaihai kuta chun pêng ka ti che.

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘LALPA chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 32:4

Juda ram lal Zedekia khawm chu Kaldaihai kuta inthawk chun suok- thleng naw nih a; amiruokchu, Babulon lal kuta chun matheiloin pêk ni lem a tih, ama chu bau le bau inphâkin bieng a ta, a mithai chun ama mithai chu hmu bawk a tih;

JEREMIA 39:6

Riblaa chun a mithmu ngeiah Nebukadnezzar chun Zedekia naupa- salhai chu a that a; chun, Babulon lal chun Juda mi ṭhahai po po khawm chu a that bawk a.

JEREMIA 44:30

LALPA chun hieng hin a tih: Ngai ta Pharao Hophra Aigupta lal chu a hmêlmahai kuta le, ama hring- na zawngtuhai kuta chun ka pêk ding a nih; Juda lal Zedekia chu Babulon lal Nebukadnezzar a hmêlma le ama hringna zawngtu kuta chun ka pêk ang khan,” tiin.

JEREMIA 52:10

Chun, Babulon lal chun a mit- hmu ngeia chun Zedekia naupasalhai chu a that tah a; chun, Riblaa chun Juda ram lalhai po po chu a that vawng bawk a.

JEREMIA 52:8

Nisienlakhawm, Kaldai sipaihai chun lal chu an hnawt tah a, Jeriko phairuoma chun Zedekia chu an va hnawt phâk tah a; chuongchun, a sipaihai po po chun ama chu an indar san tah a.

ṬAP HLA 4:20

Ei hnârkuo thuok, LALPA hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei tih a.

EZEKIEL 17:12

“Sûngkaw hel hmanghai kuoma chun thu hril la, ‘Hieng thilhai hi ieng tina am a na ti in hriet naw maw?’ tiin, hril rawh, ngai ta, Babulon lal chu Jerusalema chun a hung a, chutaka lal le, chutaka lal nauhai chu a ṭhuoi a, ama kuomah Babulona chun a fepui tah a;

EZEKIEL 17:16

Ka hring zing angin, Lalpa PATHIEN chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

EZEKIEL 17:20

Chun, a chunga chun ka lên chu keiphar ka ta, ka chânga chun ama chu âwk a ta, ama chu Babulonah hung ṭhuoi ka ta, chutaka chun a bawsietna, ka chunga a lo bawsietna chu a kuomah phût ka tih.