JEREMIA 34:17 - Pathien Lekhabu Inthieng (BSI)

¹⁷ Chuleiin, LALPA chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna phuong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka phuong a nih, LALPA chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 34:17 ပူးပေါင်းရင်းမြစ်များ

ESTHER 7:10

Chun, lal chun, “Chutaka chun ama kha khai hlum ro,” a ta. Chuong- chun, Mordekai ta dinga khaihlumna a buotsaia chun Haman chu an khai hlum tah a. Chun, lal lunginsen chu a hung dam tah a.

JEREMIA 15:2

Chun, i kuoma chun, ‘Khawtieng am kan fe ding a na?’ an ti pha chun anni chu hi hi hril i tih: ‘LALPA chun hieng hin a tih: Thina ta dinghai chu thinaah, kâwlhnâm ta dinghai chu kâwlhnâmah; ṭâmna ta dinghai chu ṭâmnaah; sala intângna ta dinghai chu salah,’ tîng i tih.

JEREMIA 15:4

Chun, anni chu, Juda lal Hezekia naupa Manasse Jerusalema a thil- thawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 29:17

sipaihai LALPA chun hieng hin a tih: Ngai ta u, an chunga chun kâwlhnâm dâm, ṭâm dâm, hripui dâm tir ka ta, anni chu theichang hrût, an siet êm leia fâk thei lohai anga chun siem ka tih.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawng- dâwng dingin hnuoia lalram po po laia hnungtieng hmatienga nawr- lênga um dingin pe suok ka tih;

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 32:25

Ka kuoma chun Aw LALPA Pathien, “Lo chu tangkain inchaw la, hrepuituhai ko la,” i ta, nisienla- khawm, khawpui chu Kaldaihai kuta pêk a ni ta sih a,’” tiin.

JEREMIA 32:36

“Chuleiin, tuhin, hi khawpui, ‘Hripui le, ṭâm le, kâwlhnâmah Babulon lal kuta pêk a ni tah,’ i ti chungthua hin Israel Pathien LALPA chun hieng hin a tih:

JEREMIA 34:8

Lal Zedekiain Jerusalema mipui- hai po po kuoma, an kuoma zalênna thu phuong dinga thuthlung a siem hnunga Jeremia kuoma LALPA thu hung tlung chu:

JEREMIA 38:2

“Lalpa chun hieng hin a tih: Khawpui sûnga umhai chu kâwl- hnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

ṬAP HLA 1:8

Jerusalem chu lungngaithlâk- tak elin a lo suol tah a; chuleiin, thil thieng naw ang a hung ni tah a; A saruokna chu an hmu leiin, ama lo inza hlaktuhai po po khawm khan an hmusit tah a; Anih, ân rûm a, nawtieng a nghah a.

DANIEL 6:24

Chun, lal chun thu a pêk a, chuong Daniel hêktuhai chu an hung ṭhuoi a; anni leh, an nauhai leh, an nuhmeihai le chun sakei- bakneihai pûka chun an pei tah a; anni chu sakeibakneihai chun an lo thaw tah a, an ruhai chu a nawi nawiin an suktliek vawng a, pûk ṭuong chu an tlung hman naw hiel lem a nih.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni sih a.

DÂN PAHNINA 19:19

a unau chunga thaw a lo tum ang chun a chungah in thaw ding a nih; chuong ang chun nangni laia thil ṭha naw chu in sukbo ding a nih.

DÂN PAHNINA 28:25

LALPAIN in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 16:6

Anni chun mi inthienghai le zâwlneihai thisen an insuoh a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.