JEREMIA 34:11 - Pathien Lekhabu Inthieng (BSI)

¹¹ nisienlakhawm, chu hnunga chun an lamlêt a, siehlawpahai le siehlawnuhai chu zalêna an lo insuoktir tahai chu kîr dingin an ti nâwk a, siehlawpahai ding le sie- hlawnuhai ni dingin thununna hnuoiah an lâk lût nâwk tah a;

JEREMIA 34:11 ပူးပေါင်းရင်းမြစ်များ

INPÂKNA HLABU 125:5

An lampui kâwia pêthai ruok hi chu, LALPA chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan tah a.

FESUOKNA 8:15

Nisienlakhawm, Pharao chun chuong chu a bo tah ti a hriet chun, a lungril a sukngar a; LALPAIN a lo hril ta ang ngei khan an thu chu a ngai nawh a.

FESUOKNA 8:8

Pharao chun Mosie le Aron a ko a, “LALPA chu ngên ro, ka mihai le ka kuoma inthawkin uṭawkhai hi la hmang sienla; chun, LALPA kuoma an inthâwi theina dingin mipui chu infetir ka tih,” a tih a.

FESUOKNA 9:28

Hun ta raw se, riel le vâninrûm ri nasatakhai hi a bona dingin LALPA chu hni la, chuongchun, infetir ka ti cheu, um ta hrim hrim naw ti niu,” a tih a.

THUVARHAI 26:11

Mi invêt ân vêtna thu hril hriltu chu, Ui ama luok bawka kîr nâwk ang chu a nih.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai nawh a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

JEREMIA 34:10

chun, mipui po po le rorêltuhai po po chun an remtih a; thuthlung chu an awi tah a, chuongchun, mi tin chun mâni siehlawpa amanih, mi tin chun mâni siehlawnu amani chu zalênin insuoktir a ta, tukhawma ama rawng chu bâwlpêk ni ta naw ni; chu chu an awi a, an infetir tâwl tah a:

JEREMIA 34:12

chuleiin, LALPA thu chu LALPA kuoma inthawk chun Jeremia kuoma chun a hung tlung a;

JEREMIA 34:16

Amiruokchu, in inher a, ka hming chu in sukpawrche tah a; mi tin chun a siehlawpa le a siehlawnu, an nuom anga zalêna in infetir tahai chu in inkîrtir nâwk tah a; thununna hnuoia chun in lâklût nâwk a, in ta dinga siehlawpahai le siehlawnuhai ni dingin.

JEREMIA 34:21

Chun, Juda ram lal Zedekia le a rorêltuhai khawm chu an hmêlmahai kuta le, an hringna zawngtuhai kuta le, nangnia inthawka hang fe, Babulon lal sipaihai kuta chun pêng ka tih.

JEREMIA 37:5

Aigupta rama inthawk chun Pharao sipaihai chu an hung a; chun, Jerusalem inhuoltu Kaldaihai chun anni chanchin chu an lo hriet phing chun, Jerusalema inthawk chun an indar tah a.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni sih a.

HOSEA 7:16

An ngha kîr a, Achunghnungtak kuomah ni loin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

ZEPHANIA 1:6

LALPA zuinaa hnungkîrtuhai le, LALPA chu zawng ngai lo a, ama chanchin khawm indawn ngai lohai chu sât thlâng ka tih.”

1 SAMUEL 24:19

Miin a hmêlma hmu ang sienla, tlangtakin ân suo nuom ding am a nih? Chuleiin, vawisûna ka chunga i thilthawa hin LALPAIN thil ṭhain thung raw se che.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw tah a, ka lo thaw suol dêr el a ni ta hi,” a ta.