JEREMIA 33:5 - Pathien Lekhabu Inthieng (BSI)

⁵ Kaldaihai chu do dingin an hung a, ka lunginthaknaa le ka lungin- sennaa ka that ding mi ruonghaia suksip dingin, an suolnahai po po leiin hi khawpuia inthawk ka hmai ka thup ta si a.

JEREMIA 33:5 ပူးပေါင်းရင်းမြစ်များ

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

JEREMIA 18:17

Sak thli ang elin anni chu an hmêlmahai kuomah sukdar vawng ka ta, an lungngai nia chun ka hmai ni loin ka hnungtieng inentir ka tih,” tiin.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta sih a, LALPA chun a tih: Babulon lal kuta pêk nîng a ta, ama chun meiin râwng a tih.

JEREMIA 32:5

chun, Zedekia chu Babulona chun ṭhuoi a ta, ka va sir hmakhat chun chutaka chun um zing a ta, LALPA chun a tih: Kaldaihai chu do unla khawm, hlawtling naw ti niu,’ i tih a,” a ta.

JEREMIA 42:18

Sipaihai LALPA Israel Pathien chun hieng hin a ti sih a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwm- hnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

ṬAP HLA 2:7

LALPA chun a mâichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, LALPA ina chun an khêkri chêl chûl a,

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thla- rau ka buok ta sih a, Lalpa PATHIEN chun a tih,” tiin.

MIKA 3:4

Chu pha chun LALPA chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

DÂN PAHNINA 31:18

pathien dang tieng nghaa thil ṭha naw an thawhai po po lei chun an kuoma inthawkin kân thup ngei ngei ding a nih.

DÂN PAHNINA 32:20

‘Inbîk hmangsan ka ta, Iengtin am an um hrim hrim,’ a ta. Suon rilo an nih, Ringum lo nauhai.