JEREMIA 33:22 - Pathien Lekhabu Inthieng (BSI)

²² Vâna umhai chu tiem sêng an ni nawh a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

JEREMIA 33:22 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, miin hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

INṬANNA 22:17

mal sâwm ngei ngei ka ti cheh a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 28:14

i thlahai chu hnuoia pilvut zâtin la um an ta, thlangtieng dâm, sak- tieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INPÂKNA HLABU 22:30

Chi inthlain a rawng bâwl an ta, Ṭhangthar hung um nâwkhai kuoma chun LALPA chanchin chu la hril an tih.

INPÂKNA HLABU 89:29

A chi thlahai chu kumkhuoin inumtir ka ta, A lalṭhungpha khawm chu vân um sûng ni chenin inumtir bawk ka tih.

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw nih a, sukbo- hmangin um bawk naw ni,” tiin.

ISAI 66:21

Chun, chuong laia mihai khawm chu thiempu ding dâmin, Levi mihai ding dâmin lâng ka tih, LALPAIN a tih.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:37

LALPA chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: LALPA chun a tih.

JEREMIA 33:18

thiempu Levi mihai chun ka hmaa pumrawhmang thilinhlânhai, bu thilinhlânhai, châmchia inthâwi- na inhlân dingin mi tlasam bawk naw ni hai,” tiin.

JEREMIA 33:23

Chun, Jeremia kuoma chun LALPA thu chu a hung tlung a,

EZEKIEL 37:10

Chuongchun, thu a mi pêk ang chun thu chu ka hril tah a, chun, thli chu annia chun a hung lût a, an hring tah a, an kein, sipai pâwl nasa êm êm el angin an hung ngîr suok tah a.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa PATHIEN chun a tih;

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta sih a; a lo pung ta ang bawk khan hung insukpung an tih.

ZEKARIA 12:8

Chu ni chun LALPA chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa LALPA vântirko ang chu nîng a tih.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuohai kulhai um lo anga hluo el nîng a tih,’ tiin hril rawh.

HEBRAIHAI 11:12

Chuongchun, pasal pakhat, mi- thi ang el ni tahnunga inthawkin, vâna arasihai anga tam, tuisuoriet panga phaiphin anga tiem sêng naw an hung suok tah a.