JEREMIA 32:5 - Pathien Lekhabu Inthieng (BSI)

⁵ chun, Zedekia chu Babulona chun ṭhuoi a ta, ka va sir hmakhat chun chutaka chun um zing a ta, LALPA chun a tih: Kaldaihai chu do unla khawm, hlawtling naw ti niu,’ i tih a,” a ta.

JEREMIA 32:5 ပူးပေါင်းရင်းမြစ်များ

2 CHANCHIN SUINA 13:12

Chun, en ta u, Pathien chu kan hma tieng keini lai a um a; in chunga inlâuna sukri dingin suklauna taw- tawrâwthai le thiempuhai chu an um bawk a; Aw Israel thlahai, in thla- tuhai Pathien LALPA chu do naw ro khai; in hlawtling naw ding a ni sih a,” tiin.

2 CHANCHIN SUINA 24:20

Chun, thiempu Jehoiada naupa Zekaria kuoma chun Pathien thlarau a hung tlung a, mipuihai chunga chun a ngîr a, an kuomah, “Pathien chun hieng hin a tih, ‘Hlawtling thei nâwna pha el dinga iengdinga LALPA thupêkhai chu in bawsiet am a na? LALPA chu in nghatsan leiin ama khawma a nghatsan cheu a ni hi,’ tiin,” a ta.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

JEREMIA 2:37

Amaa inthawk khawm chun fe suok i ta, i kuthai chu i lu chunga siein; LALPA chun i ringhai chu a pawmpêk ta si naw cheh a, chuonga- hai chun hlawtling ta ngai naw ti nih.

JEREMIA 27:22

Babulona chun phur hmang nîng an ta, chutaka chun um an tih, anni ka va sir ni chen chun, LALPA chun a tih: chun, hung la nâwk tâwl ka ta, hi hmuna hin sie nâwk ka tih,” tiin.

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 32:6

Jeremia chun a hril a, “LALPA thu chu ka kuomah a hung tlung a, hieng hin a hril,

JEREMIA 33:5

Kaldaihai chu do dingin an hung a, ka lunginthaknaa le ka lungin- sennaa ka that ding mi ruonghaia suksip dingin, an suolnahai po po leiin hi khawpuia inthawk ka hmai ka thup ta si a.

JEREMIA 37:10

Nangma hung dotu che Kaldai sipaihai po po khawm chu lo that ta la khawm, anni laia chun mi hliemhai chau chu la umin, chuong khawm chun, mi tin chu mâni puon inhaia chun tho an ta, hi khawpui hi meiin râwng an tih,” tiin.

JEREMIA 39:4

Chun, Juda ram lal Zedekia le indo mihai po po chun chu chu an hmu chun an tlânseh a, kul pahni inkâra dai kawtkhârah, lal huon lampuia chun a zân a zân chun an tlânsuok tah a; chuongchun, ama chu Araba lampuia khan a feh a.

JEREMIA 39:5

Nisienlakhawm, Kaldai sipaihai chun anni chu an hnawt a, Zedekia chu Jeriko phairuoma chun an hnawt phâk a, chun, ama chu an man chun, Hamath rama Riblaa Babulon lal Nebukadnezzar kuomah an hung ṭhuoi a, ama chun a chungah ro a rêlthlûk a.

JEREMIA 39:7

Chu nawa khawm chun, Zedekia mithai chu a kheldawk a, thîrkawl ân buntir a, Babulona ṭhuoi ding- in.

ṬAP HLA 1:14

Ka bawsietnahai chu rîngkawlah a khitdeh a, Ama kuthai ngeiin a khit têl a; Ka rîngah ân bâttir a, ka hrâtna a châu tah a, Ka ido zo lohai kutah LALPA chun a mi pêk tah a.

EZEKIEL 12:12

Anni laia lal um chun inthim hnuoia chun a liengkoin phur a ta, fe suok a tih; chutaka phursuok- na ding chun bang chu ver âwng an tih; a mithaia hnuoi a hmu nawna dingin a hmai chu inkhum tlat a tih.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldai- hai ram Babulona chun ṭhuoi ka ta; chutaka chun thi ding ni sien khawm, hmu chu hmu naw ni.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel tah a. A hlawtling ding am a nih? Chuong ang thil- thawtu chun a pumpel ding am a nih? Thuthlung chu bawse siin a pumpel ding am a nih?

NAMBAR 14:41

Chun, Mosien, “Tluongtlungna ni naw ni ti hriet zing sain iengdinga LALPA thupêk in bawsiet ding am a na?