JEREMIA 32:44 - Pathien Lekhabu Inthieng (BSI)

⁴⁴ Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khaw- puiahai dâm, phairuoma khawpuia- hai dâm, Sima khawpuiahai dâm chun: an sal intângnaa inthawkin kân kîrtir ding a ni sih a, LALPA chun a tih” tiin.

JEREMIA 32:44 ပူးပေါင်းရင်းမြစ်များ

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

JEREMIA 13:19

Sim ram khawpuihai chu khâr- in an um tah a, a hawng ding tu- khawm an um nawh; Juda chu a rêngin sala ṭhuoiin a um a: a rêng a ramin sala ṭhuoiin a um a nih,” tiin.

JEREMIA 17:26

Chun, Juda ram khawpuihaia inthawk dâm, Jerusalem vêl khuo- haia inthawk dâm, Benjamin rama inthawk dâm, phai ram le tlâng rama inthawk dâm, Sim rama inthawk dâmin, LALPA ina lâwmthu hrilna inthâwinahai, berâm dâm, inthâwina hrim hrim dâm, bu thilinhlân dâm, pumrawhmang thilinhlân dâm chu hung chawiin hung an tih.

JEREMIA 30:18

LALPA chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 30:3

Ngai ta, nihai chu a hung tlung ta sih a, LALPA chun a tih; Ka mi Israelhai le Juda sal intângna chu inlêt nâwk tâng ka ta, LALPA chun a tih: an thlatuhai kuoma ram ka pêka chun hung inkîrtir nâwk ka ta, hluong an tih,” tiin.

JEREMIA 31:23

Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 32:10

Chun, thuziek chu suoi ka thawh a, ka nam tah a, chun, hriet- puitu ka ko a, ama chu bûkna chun tangka chu ka bûkpêk tah a.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

JEREMIA 33:13

Tlângrama khawpuiahai le, phairuoma khawpuiahai le, Sima khawpuiahai le, Benjamin rama khawpuiahai le, Jerusalem vêl hmun- ahai le, Juda khawpuiahai chun berâm ruolhai chu anni tiemtu kut hnuoiah la tla nâwk an tih, LALPA chun a tih:

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni sih a” tiin.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

OBADIA 1:19

Simtieng mi chun Esau tlâng chu chang an ta, ram phaia mihai chun Philistin ram chu chang an tih; Ephraim lo le Samari lo chu chang an tih;

OBADIA 1:20

Benjamin chun Gilead ram chang a tih. Kanaan mihai laia hi Israel thla sal intâng mipuihai hin Phoiniki ram Zarephath chenin, chang an tih; Sepharad rama Jerusalem khaw mihai sal intâng chun Simtieng khawpuihai chu chang an tih.

ZEPHANIA 2:7

Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.

ZEKARIA 7:7

Hausakna le Jerusalem le a vêla khawpuihai le Simtieng le ram- phaihai chu hluo a ni laia, zâwlnei hmasahai hmanga LALPAIN thu a khêkpuihai chu in ngai naw ding am a nih?’ tiin,” a ta.