JEREMIA 32:40 - Pathien Lekhabu Inthieng (BSI)

⁴⁰ Anni chu sukṭha dingin, annia inthawka kân her hmang nawna dingin, anni le chun kumkhaw thu- thlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 32:40 ပူးပေါင်းရင်းမြစ်များ

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

INPÂKNA HLABU 80:19

Aw LALPA, sipaihai Pathien, mîn nghatkîrtir nâwk la. I hmêl kha sukvar la, chuongchun, sandamin um kan tih.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun LALPA chu hung zawm ve ro khai,’ tîng an tih.

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in tisaa inthawkin lungril lung ang chu la hmang ka ta, tisa lungril innêm pe lem ka ti cheu.

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, suk- pung ka ta, anni laia chun ka hmun inthieng chu kumkhawtluongin sie tâng ka tih.

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thla- rau ka buok ta sih a, Lalpa PATHIEN chun a tih,” tiin.

MIKA 4:5

Chi tin mâni pathien hming sengin um an ta, eini khawm LALPA ei Pathien hmingin kumkhuoin um ei tih.

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu LALPA in Pathien a ni sih a; inhlâwsamtir naw ni cheu, mâk khawm mâksan naw tawp a ti cheu,” tiin.

DÂN PAHNINA 31:8

I hmaṭhuoitu chu LALPA nîng a ta, i kuomah um pei a tih, inhlâw- samtir naw ni che a, mâk khawm mâksan naw tawp a ti che; ṭi naw la, zâm bawk naw rawh,” a tih a.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

HEBRAIHAI 7:24

ama ruok chu chatuona a um zing leiin a Thiempu nina chu thleng thei ruol loin a nei ta lem a nih.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun dang- lamna le inherna hlim hrim hrim a um thei nawh.

1 PETER 1:5

Sandamna, hun nuhnunga in- lang dinga inzosa chu hmu dingin, ringna leia Pathien thilthawtheinaa vêng chu in nih.