JEREMIA 32:35 - Pathien Lekhabu Inthieng (BSI)

³⁵ Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 32:35 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta ding- in le, Ammon mihai pathien tirdak- umtak Molek ta dingin bâwlhmun a lo siem tah a.

1 LALHAI 14:16

Chun, Israelhai chu thil insuk- suoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 15:26

LALPA mithmuin thil ṭha naw- tak a thaw hlak a; a pa lampui hraw chu a hraw veh a, Israelhai thil insuksuoltira a suksuolna kha a thaw veh a.

1 LALHAI 15:30

chu chu Israelhai thil insuk- suoltira a thaw, Jeroboam suolnahai lei le LALPA Israelhai Pathien chu a suklungsen lei a nih.

1 LALHAI 16:19

LALPA mithmua thil ṭha naw- takhai thawa a suolnahai lei le Jeroboam lampui hraw chu hraw veh a, Israelhai thil insuksuoltira a suol- na leiin.

1 LALHAI 21:22

nangin i mi suklungsen lei le, Israelhai chu thil în suksuoltir leiin Nebat naupa Jeroboam sûnghai le Ahija naupa Baasa sûnghai ang elin i sûnghai hi siem ka tih,” a ta.

2 LALHAI 21:11

“Juda lal Manasse hin hieng thil tirdakumtakhai hi a thawh a, a hmaa Amor mihai nêk hmanin a suksuol nasa a, Judahai hi a milimhaiin thil ân suksuoltir leiin:

2 LALHAI 21:4

LALPAIN, “Jerusalemah ka hming inumtir ka tih,” a tina, LALPA ina chun mâichâmhai a siem a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna ding- in Hinnom thlahai ruoma Topheth chu a sukbo ta bawk a.

2 LALHAI 23:15

Chu naw khawm chu Israelhai thil insuksuoltirtu Nebat naupa Jero- boamin Bethela mâichâm le bâwl- hmun a siem chu, chu mâichâm le bâwlhmun chen khawm chun a sukchim bawk a; chuongchun, bâwl- hmun chu a rawh a, a sir nâwi dap a, Asera chu a raw tah a.

2 LALHAI 3:3

Nisienlakhawm, Nebat naupa Jeroboam suolnaa Israel mihai ân suksuoltirnaa khan ân tûl tlat a, chutaka inthawk chun ân sie hmang ngai hrim hrim nawh a.

2 CHANCHIN SUINA 33:6

Hinnom naupa ruoma chun a nauhai chu mei ân fêthlengtir bawk a; aisân a hmang a, zâwldiaihai a hmang a, dâwi a hmang bawk a, thlarau zâwlhai a sawr bawk a, thiemrauhai leh; LALPA mithmua chun thil suol nasatak el ama chu suklungsen dingin a thaw tah a.

2 CHANCHIN SUINA 33:9

Manasse chun Juda le Jerusa- lema umhai chu ân suksuoltir a; chuongchun, Israelhai hmaa LALPA- IN a sukbohmang hnamhai nêk hman khan thil suol an thaw nasa lem a.

2 CHANCHIN SUINA 36:14

Chu nawa khawm chun, khaw- hri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema LALPA in a sukthieng ta chu an sukpawrche tah a.

FESUOKNA 32:21

Mosie chun Aron kuomah, “Hi mipui hin i kuomah ieng am an thawha hienga an chunga suol nasa- tak în tlungtir hi?” a tih a.

ISAI 57:5

Nangni thingsaisuo laia, thing buk hnuoi tina insukthafâna, ruom sûnghaia lung kak bula dâm naupang thattuhai.

JEREMIA 19:2

Hinnom naupa phairuom, Harsith dâi kawtkhâr lûtna bula uma chun fe unla, chutaka chun thu ka hril che chu hril suok rawh.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 7:30

Juda thlahai chun ka mithmua thil ṭha naw chu an lo thaw ta sih a, LALPA chun a tih: sukpawrche ding- in, in ka hming chawia koa chun an tirdakumnahai chu an sie tah a.

JEREMIA 7:31

Hinnom naupa ruoma chun Topheth bâwlhmunhai chu an naupa- salhai le an naunuhmeihai meia an rawna dingin an bâwl tah a; chuong chu thu ka pêk ngai nawh a, ka lungrila khawm lût khawm a hung lût ngai nawh.

EZEKIEL 23:37

An lo uire ta sih a, an kuthaia chun thisen a kai a; an milimhai chun uiretna thil chu an lo thaw tah a; chun, an naupasalhai an mi neipêk- hai khawm chu, an kuomah fâk zoa um dingin meia chun an infethleng- tir a.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni nawh a, i Pathien hming chu i suksiet ding a ni bawk nawh: Kei hi LALPA chu ka nih.

THILTHAWHAI 7:43

Molok puon in le pathien Rephan arasi khawm chu, Chibai bûk dingin a lim in siemhai kha, In zâwm lem hlak a; Chuleiin, Babulon khaw khêl tieng Ṭhuoi hmang ka ti cheu,’ ti ziek ang khan.

DÂN PAHNINA 12:31

Chuong ang chun LALPA in Pathien chungah in thaw ding a ni nawh; an pathien chunga chun LALPA ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an raw hlak a nih.

DÂN PAHNINA 18:10

A naupa amanih, a naunu ama- nih, meia infethlengtir dâm, aisân chîng dâm, aien chîng dâm, mitdawi- vai hmang dâm, dâwithiem dâm,

DÂN PAHNINA 24:4

a pasal hmasa ama infetirtu khan, sukpawrche tah a ni leiin nei nâwk thei ta naw ni; LALPA ngaiin tirdakum a nih. LALPAIN hluo dinga a pêk cheu rama chun suol in inlûttir ding a ni nawh.