JEREMIA 32:25 - Pathien Lekhabu Inthieng (BSI)

²⁵ Ka kuoma chun Aw LALPA Pathien, “Lo chu tangkain inchaw la, hrepuituhai ko la,” i ta, nisienla- khawm, khawpui chu Kaldaihai kuta pêk a ni ta sih a,’” tiin.

JEREMIA 32:25 ပူးပေါင်းရင်းမြစ်များ

INPÂKNA HLABU 77:19

I lampui chu tuisuorietah a um a, I lampuihai chu tui lientakah a um a; I kehnunghai khawm hriet a ni nawh.

INPÂKNA HLABU 97:2

Sûmhai le inthim sâmup hi a vêlah a um a, Felna le rorêlna fel chu a lalṭhungpha innghatna a nih.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 32:15

Sipaihai LALPA, Israel Pathien chun hieng hin a ti sih a: Inhai, lohai, grêp huonhai chu hi rama hin in- châwk la ni nâwk an tih a ti sih a,’” tiin.

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 32:26

Chun, LALPA thu chu Jeremia kuomah a hung tlung a,

JEREMIA 32:43

Chun, ‘Ramsahai le mihriem boin, râusan a ni tah a; Kaldaihai kuta pêk a ni tah,’ in ti, hi rama hin lohai chu inchâwk nîng a ta.

JEREMIA 32:8

Chuongchun, ka pami naupa Hanamel chu vêngtu kulbînga chun LALPA thu ang pei chun ka kuomah a hung a, ka kuoma chun, ‘Ka ngên che, ka lo Anathotha um, Benjamin rama um chu inchaw rawh; rohluona thuneina chu nangma ta a ni sih a, intlansuokna khawm chu nangma ta bawk a na, i ta dingin inchaw el rawh,’ a hung tih a.

JEREMIA 34:17

Chuleiin, LALPA chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna phuong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka phuong a nih, LALPA chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JOHAN 13:7

Isûn a kuomah, “Ka thilthaw hi tuhin i hriet nawh; nisienlakhawm, nakie tieng la hrieng i tih,” a ta, a dawn a.