JEREMIA 32:24 - Pathien Lekhabu Inthieng (BSI)

²⁴ en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 32:24 ပူးပေါင်းရင်းမြစ်များ

2 SAMUEL 20:15

Chun, Beth-maakaa Abel khuoa chun an inhuol a; chun, a khaw hrûla chun hnuoi an dêng pâwng a, kul hrûla chun a ngîr a, chun, Joab kuoma mi um po pohai chun kul chu sukchim dingin an suk tlut tlut a.

ISAI 37:33

Chuleiin, LALPA chun Assuria lal chungchâng thuah hieng ang hin a tih, ‘Ama chun chu hi khawpui hi hung tlung naw nih a; hitaka hin thal kâp bawk naw ni, phaw leh a kâwla hin hung bawk naw nih a, a thawna dingin hnuoi kul siem bawk naw ni, LALPAIN a tih.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 20:5

Chu nawa khawm chun, hi khaw- puia hausaknahai po po, chutaka a thil hlâwkhai po po, chutaka a thil hluhai po po, anih, Juda lalhai ro thilhai po po el chu an hmêlmahai, anni suksea, anni ṭhuoia, Babulona fepuitu dinghai kuta chun ka pêk ding a nih.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 29:17

sipaihai LALPA chun hieng hin a tih: Ngai ta u, an chunga chun kâwlhnâm dâm, ṭâm dâm, hripui dâm tir ka ta, anni chu theichang hrût, an siet êm leia fâk thei lohai anga chun siem ka tih.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawng- dâwng dingin hnuoia lalram po po laia hnungtieng hmatienga nawr- lênga um dingin pe suok ka tih;

JEREMIA 32:25

Ka kuoma chun Aw LALPA Pathien, “Lo chu tangkain inchaw la, hrepuituhai ko la,” i ta, nisienla- khawm, khawpui chu Kaldaihai kuta pêk a ni ta sih a,’” tiin.

JEREMIA 32:28

Chuleiin, LALPA chun hieng hin a tih: Ngai ta u, hi khawpui hi Kaldaihai kuta le Babulon lal Nebukadnezzar kuta chun pêng ka ta, ama chun lâng a tih;

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘LALPA chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 32:36

“Chuleiin, tuhin, hi khawpui, ‘Hripui le, ṭâm le, kâwlhnâmah Babulon lal kuta pêk a ni tah,’ i ti chungthua hin Israel Pathien LALPA chun hieng hin a tih:

JEREMIA 32:5

chun, Zedekia chu Babulona chun ṭhuoi a ta, ka va sir hmakhat chun chutaka chun um zing a ta, LALPA chun a tih: Kaldaihai chu do unla khawm, hlawtling naw ti niu,’ i tih a,” a ta.

JEREMIA 33:4

Hi khawpui inhai chungthua le Juda ram lalhai in kâwlhnâm le hnuoi dêng pâwng lama inthawka dangna siemna dinga sukchima um- hai chungthua chun Israel Pathien LALPA chun hieng hin a tih:

JEREMIA 34:17

Chuleiin, LALPA chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna phuong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka phuong a nih, LALPA chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 52:4

Chun, a rorêl kum kuona, thla sâwmnaa, chu thla ni sâwm ni chun Babulon lal Nebukadnezzar le, a si- paihai po po chu Jerusalem do ding chun an hung a, an umngha tah a; a vêl ela chun kulhai an bâwl khum tah a.

JEREMIA 52:6

A thla linaa, chu thla ni kuo ni chun khawpui sûnga ṭâmna chu a nasa ta êm êm a; chu rama mipuihai ta ding chun bei hrim a um ta nawh a.

JEREMIA 6:6

Sipaihai LALPA chun hieng hin a lo ti ta sih a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

EZEKIEL 14:21

Lalpa PATHIEN chun hieng hin a ti sih a; ‘Ka rorêlna natak palihai kâwlhnâm, ṭâmna, ramsa tuor- hlaumhai le hripuihai hi Jerusalem chunga, amaa inthawka ramsa mi- hriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 21:22

A changtieng kuta chun Jerusa- lem ta dinga, kâphmunhai siemna ding le, thattuhai ta ding bau kâk ding le, khêka râwl insuo ding le, dâi kawtkhârhai epa kâphmunhai siem ding le, hnuoi dêng pâwnghai siem a, kulhai bâwl ding thu aisânna chu a um a.

EZEKIEL 21:27

Inletling ka ta, letling ka ta, letling ka ta, hi khawm hi um ta naw nih a, a thuneitu a hung hmakhat chun; chun, ama kuoma chun pêng ka tih.

EZEKIEL 26:8

Rama i naunuhmei umhai chu ama chun kâwlhnâmin that a ta; kul bâwl khum a ti cheh a; hnuoi dêngpâwng khum a ti cheh a, phaw chawihai inhuol khumtir a ti che.

EZEKIEL 4:2

chu chu rûn la, kulhaiin bâwl khum la, a vêla chun hnuoi dêng pâwng la, puon inhai kei khum bawk la, chun, a vêl el chun kâphmunhai siem bawk rawh.

HABAKKUK 1:10

Anih, lalhai chu an nuisan a, Mi lienhai chu an ta ding chun hmusitum an nih a, Kul det tinrênghai chu an nuisan a, pilvut a sungvûmin a lâk nâwk hlak sih a.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

MATTHAI 24:35

Hnuoi le vân bo a ta, ka thu ruok chu bo naw ni.

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.