JEREMIA 32:21 - Pathien Lekhabu Inthieng (BSI)

²¹ Aigupta rama inthawkin i mi Israelhai chu inchiknahai dâm, thil- makhai dâm, kut hrât dâm le, bân phar dâm le ṭium nasatak leh i hung ṭhuoi suok a;

JEREMIA 32:21 ပူးပေါင်းရင်းမြစ်များ

2 SAMUEL 7:23

Aigupta rama inthawk le hnam tin le an pathienhaia inthawka i ta dinga în tlansuok, i mihai hmaa i ta dinga thil ropuitak le i ram ta dinga thil ṭiumtak thaw ding le ama hming ropuitak siem dinga Pathienin ama mihai ni dinga a hung intlansuok i mi Israelhai ang hrim hrim hi khawvêla hin hnam dang tu am an um a?

1 LALHAI 8:42

(i hming ropuitak hai, i kut hrâttak hai, i bân i phar thuhai hi an la hriet tâwl ding a ni sih a;) chuong mihai chun hi in tieng nghah a, an hung ṭawngṭai pha chun;

1 CHANCHIN SUINA 17:21

Aigupta rama inthawka i mihai an hmaa hnamhai chu hnawt suok peia în tlan suok, thil râpthlâk le thil ropuia i hming siempêk dinga, nang- ma ta ding ngeia nang Pathien feha în tlan suok hnam, i mi Israelhai ang hnuoi chunga hin ieng hnam am an um hrim a?

INPÂKNA HLABU 105:37

Chuongchun, tangka le râng- kachak leh a ṭhuoi suok a, Ama hnamhai laia chun mi hrât naw pakhat khawm an um dêr nawh.

INPÂKNA HLABU 105:43

Chuongchun, a mihai chu hlimtakin a ṭhuoi suok tah a, A mi thlanghai chu hla sak pei pumin.

FESUOKNA 13:14

Chun, nakie hun la hung tlung dinga khawm i naupain, Hi hi a umzie ieng am a na? tiha ân dawn che chun, a kuomah hieng hin hril i tih, “Suoka umna ram Aiguptaa inthawk LALPAIN kut thahrâtin a mi ṭhuoi suok tah a.

FESUOKNA 13:9

Chun, LALPA Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; LALPA chun kut thahrâtin Aiguptaa inthawkin a ṭhuoi suok ta si cheh a.

FESUOKNA 3:20

Chun, keiin ka kut inlet ka ta, ka thilmakhai po po chu anni lai ngeia thawin, Aigupta chu hung suksieng ka tih: chu hnunga ruok chun infetir a ti cheu.

FESUOKNA 6:1

LALPA ruok chun Mosie kuomah, “Tuhin Pharao kuoma ka thil thaw ding chu hmûng i tih: kut thahrâtin anni chu a rama inthawkin khal suok a ta, kut thahrâtin anni chu ân suoktir ding a ni sih a,” a ta.

FESUOKNA 6:6

Chuleiin, Israel thlahai kuomah hril la, ‘LALPA ka nih a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

ISAI 63:12

A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

DÂN PAHNINA 11:3

a inchikna dâm, a thilthaw Aigupta ram sûnga Aigupta lal Pharao chung le a ram sûng po poa a thaw dâm kha.

DÂN PAHNINA 26:8

LALPA chun Aigupta rama in- thawk chun kut hrâttak le, bân phar dâm, thil ṭiumtak dâm, inchiknahai dâm le thilmakhaiin a mi ṭhuoi suok a;

DÂN PAHNINA 4:34

hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia LALPA in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 7:19

fiena nasatakin in mit ngeia in hmuhai, inchikna dâm, thilmak dâm, kut hrâttak dâm, bân phar dâma LALPA in Pathienin a ṭhuoi suokna cheu kha; khâng ang khan LALPA in Pathienin in mi ṭihai chunga chun thaw pei a tih.