JEREMIA 32:20 - Pathien Lekhabu Inthieng (BSI)

²⁰ ama chun vawisûn ni chen hin Aigupta rama chun inchiknahai le thilmakhai chu a thawh a, Israel rama le mi danghai kuoma khawm; vawisûn nia ang hin ama chun hming a siempêk cheh a.

JEREMIA 32:20 ပူးပေါင်းရင်းမြစ်များ

2 SAMUEL 7:23

Aigupta rama inthawk le hnam tin le an pathienhaia inthawka i ta dinga în tlansuok, i mihai hmaa i ta dinga thil ropuitak le i ram ta dinga thil ṭiumtak thaw ding le ama hming ropuitak siem dinga Pathienin ama mihai ni dinga a hung intlansuok i mi Israelhai ang hrim hrim hi khawvêla hin hnam dang tu am an um a?

1 CHANCHIN SUINA 17:21

Aigupta rama inthawka i mihai an hmaa hnamhai chu hnawt suok peia în tlan suok, thil râpthlâk le thil ropuia i hming siempêk dinga, nang- ma ta ding ngeia nang Pathien feha în tlan suok hnam, i mi Israelhai ang hnuoi chunga hin ieng hnam am an um hrim a?

NEHEMIA 9:10

Pharao le a siehlawhai po po le, a rama mi po pohai chungah inchikna le thilmakhai în langtir a; chapotakin an chunga thil an thaw ti i hriet sih a, chuongchun, tu chen hin hming în siem tah a.

NEHEMIA 9:11

Chun, an hmaa chun tuisuoriet chu i sukṭheh a, chuongchun, hnuoi hulah tuisuoriet sûng chu an fe thleng a; anni hnawttuhai chu tui inthûktakah, tui nasataka lung pei lût ang elin i pei lût a.

INPÂKNA HLABU 135:9

Aw Aigupta, ama chun inchiknahai le thilmakhai i chungah a hung tir a, Pharao chung le a siehlawhai po po chunga chun.

FESUOKNA 10:2

anni lai ngeia inchikna ka thawhai le, Aigupta mihai chu ieng angin am an chungah thil ka thawha ti i naupa le i tupa hrieta ngei khawm i hril theina dingin le; LALPA chu ka ni ngei ti i hriet theina dingin, ti rawh,” a tih a.

FESUOKNA 3:20

Chun, keiin ka kut inlet ka ta, ka thilmakhai po po chu anni lai ngeia thawin, Aigupta chu hung suksieng ka tih: chu hnunga ruok chun infetir a ti cheu.

FESUOKNA 7:3

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

ISAI 63:12

A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 63:14

Ruoma ran zu fehai angin LALPA thlarau chun anni chu ân châwltir a, chuong ang chun, hming ropuitak în siemna dingin, i mihai chu i ṭhuoi kha,” tiin.

JEREMIA 13:11

Hrên chu mi kâwnga a kawp angin, Juda sûngkuo po po le Israel sûngkuo po po chu keimaa kawp dingin ka lo thaw tah a, LALPA chun a tih: keia ta dinga mihai an nih a, hming an nih a, inpâkna an nih a, ropuina an ni theina dingin, nisien- lakhawm, an ngai si nawh a.

DANIEL 6:28

Chuongchun, Daniel chu Daria rorêl sûng le Persia mi Kura rorêl sûng po chu a hung hlawtling ta hleh a.

DANIEL 9:15

Tuhin, aw LALPA kan Pathien, Aigupta rama inthawka i mihai kut hrâttak le hung ṭhuoi suoka, vawisûn ni anga hming inthangna changtu, kan lo suksuol tah a, rilotakin kan lo thaw tah a nih.

THILTHAWHAI 7:36

Ama chun Aiguptaa dâm, Tuisuoriet Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok tah a.

DÂN PAHNINA 11:3

a inchikna dâm, a thilthaw Aigupta ram sûnga Aigupta lal Pharao chung le a ram sûng po poa a thaw dâm kha.

DÂN PAHNINA 4:34

hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia LALPA in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 6:22

chun, LALPAIN ei mithmuah Aigupta ram chunga dâm, Pharao chunga dâm, a sûnghai po po chunga dâm, inchikna le thilmak nasatak le lunginzîng umtakhai ân entir a;

DÂN PAHNINA 7:19

fiena nasatakin in mit ngeia in hmuhai, inchikna dâm, thilmak dâm, kut hrâttak dâm, bân phar dâma LALPA in Pathienin a ṭhuoi suokna cheu kha; khâng ang khan LALPA in Pathienin in mi ṭihai chunga chun thaw pei a tih.