JEREMIA 32:2 - Pathien Lekhabu Inthieng (BSI)

² Chuongchun, chu huna chun Babulon lal sipaihai chun Jerusalem chu an inhuol a; chun, zâwlnei Jeremia khawm chu Juda ram lal ina vêngtu kulbînga chun khârkhumin a um a.

JEREMIA 32:2 ပူးပေါင်းရင်းမြစ်များ

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang thawh a, umhmun an hang khuor a; chun, kulin an inhuol vêl tah a.

NEHEMIA 3:25

Uzai naupa Palal chun kul kâwi ṭanna zâwn le intângna in kâwl, lal in chunghnung lema inthawka va lawr in insâng zâwn a siem ṭha a. A dawta chun Paros naupa Pedaia chun a siem ṭha a.

INPÂKNA HLABU 88:8

Ka hmêlhriethai chu keia hlatah în umtir a, An ta dinga tirdakumtakah i mi siem tah a; Khârkhumin ka um a, ka suok thei naw a nih.

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘LALPA chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 32:8

Chuongchun, ka pami naupa Hanamel chu vêngtu kulbînga chun LALPA thu ang pei chun ka kuomah a hung a, ka kuoma chun, ‘Ka ngên che, ka lo Anathotha um, Benjamin rama um chu inchaw rawh; rohluona thuneina chu nangma ta a ni sih a, intlansuokna khawm chu nangma ta bawk a na, i ta dingin inchaw el rawh,’ a hung tih a.

JEREMIA 33:1

Chu nawa khawm vêngtu kulbînga khârkhum a ni sûng chun a vawi hninaah Jeremia kuoma chun LALPA thu chu a hung tlung a:

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia LALPA kuoma inthawka Jeremia kuoma thu hung tlung chu:

JEREMIA 36:5

Jeremia chun Baruk chu thu a pêk a, “Kei chu khum ka na, LALPA ina chun ka fe thei nawh a;

JEREMIA 37:15

Chun, rorêltuhai chu Jeremia chunga chun an lunginsen a, ama chu an hrem a, lekhaziektu Jonathan ina chun lung inah an khum tah a; chu chu lung inah an siem ta sih a.

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sieh a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jere- mia chu vêngtuhai kula chun a um zing tah a.

JEREMIA 37:4

Chuonglai chun Jeremia chu lung ina an sie ta naw leiin, mipuihai lai chun a lûtin a suok hlak a.

JEREMIA 38:13

Chuongchun, Jeremia chu hrui- hruol chun an khai a, khurthima inthawk chun an lâk suok tah a; chun, Jeremia chu vêngtuhai kul- bînga chun a um zing a.

JEREMIA 38:6

Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût tah a; chuongchun, Jeremia chu khuopnahai le chun an infe thlâktir tah a. Chun, chu khurthim sûnga chun chirhak ti chau naw chu tui khawm a um nawh a, chuongchun, Jeremia chu chirhaka chun ân chie tah a.

MATTHAI 5:12

“Lâwm unla, nasatakin hlim ro; vânah in lâwmman a um râwn sih a; chuong ang bawkin in hmaa zâwlnei umhai khawm an suknawmna hlak kha.