JEREMIA 32:18 - Pathien Lekhabu Inthieng (BSI)

¹⁸ nang chun sâng kuoma zâ- ngaina inentira, pahai suolna chu an nauhai ângsûnga thungna petu, Pathien thilthawthei, ropui le, sipai- hai LALPA chu a hming a nih;

JEREMIA 32:18 ပူးပေါင်းရင်းမြစ်များ

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

2 LALHAI 9:26

LALPAIN, ‘Zâni khan Naboth thisen le a naupasalhai thisen ka hmu ngei annâwm,’ a ti kha; chun, LALPAIN, ‘Hi hmun ngeia hin ka thung ding che a nih,’ a ti nâwk kha. Chuongchun, LALPA thu ang chun pawm la, hi hmuna ngei hin pei thla rawh,” a ta.

NEHEMIA 1:5

“Aw LALPA, vân Pathien, Pathien ropui le ṭium, nangma hma- ngaia i thupêk pawmtuhai chunga thuthlung hlena lunginsietna suk- langtu,

INPÂKNA HLABU 50:1

Iengkimthawthei, Pathien ngei, LALPA chun thu a hril a, Leihnuoi hi nisa suoknaa inthawka a tlâkna chenin a ko tah a.

INPÂKNA HLABU 89:9

Nang chun tuisuoriet chapona chungah ro i rêl hlak a, A tuifâwn invawr laihai chu i sukre hlak.

FESUOKNA 34:6

LALPA chun a hmatieng a lekhêl a, “LALPA chu, LALPA chu Pathien, lainatnaa sip, mi lunginsietthei, lunginsen intak, zângaina le thutak hau,

FESUOKNA 34:7

sâng tamtak chunga hmangai- naa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a phuong tah a.

ISAI 10:21

Hlabîkhai, Jakobhai laia a la dam sunhai chu, Pathien hrâttak kuoma chun la kîr nâwk an tih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 10:16

Jakob chanvo chu hieng ang hi a ni ve nawh a; thil po pohai siemtu chu a na; Israel chu a rochan hnam a na; sipaihai LALPA chu a hming a nih.

JEREMIA 10:6

Aw LALPA, nanga ang hi tu- khawm an um nawh, i ropuia, i hming chu thilthawtheinain a ropui bawk a.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu LALPA chun hieng hin a tih: ama chu sipaihai LALPA chu a hming a na;

JEREMIA 33:2

“LALPA a thawtu, indin dinga LALPA a siemtu chun hieng hin a tih: LALPA ti chu a hming a nih:

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

DANIEL 2:45

Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

HABAKKUK 1:12

Aw LALPA ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw LALPA, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

NAMBAR 14:18

‘LALPA chu lung inuoitak, zainêmna hau, rîtlonahai le bawsiet- nahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

MATTHAI 27:25

Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.

LUKA 6:38

Pe ro, chuongchun pêkin um in tih, ṭhahnemngaitaka inkhia, nam- dêna, sâwi muka, liem zar zara, in mal chungah pêk nîng in tih. In inkhîna ngai bawkin inkhipêk in ni ding a ni sih a,” a ta.

DÂN PAHNINA 10:17

LALPA in Pathien chu pathien- hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni sih a.

DÂN PAHNINA 7:21

Anni chu in ṭi ding a ni nawh; LALPA in Pathien chu nangni lai a um sih a, Pathien ropuitak, ṭiumtak el chu.