JEREMIA 31:9 - Pathien Lekhabu Inthieng (BSI)

⁹ Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JEREMIA 31:9 ပူးပေါင်းရင်းမြစ်များ

1 CHANCHIN SUINA 29:10

Chuleichun, David chun mipui inkhâwmhai po po hmaa chun LALPA chu ân pâk a; David chun a hril a, “Aw LALPA, kan thlatu Israel Pathien, chatuon chatuonin nang chu inpâkin um la;

INPÂKNA HLABU 107:7

Mihriem umna khuoa an fe theina dingin, Lampui tlûntakah a ṭhuoi tah a.

INPÂKNA HLABU 23:2

Ama chun hlohna hring dup hmunah a mîn bawktir hlak a, Châwlna tui pangahai a mi ṭhuoi hlak.

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

FESUOKNA 4:22

Chun, nangin Pharao kuoma chun, ‘Hieng hin LALPA chun a tih; Israel hi ka naupa, ka nau lutîr a nih;

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 45:11

LALPA Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 63:13

An insui nawna dinga tui in- thûktaka thlalêra sakawr ṭhuoi anga anni ṭhuoi kaitu kha khâw lai am?

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 64:8

Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 3:4

Tuta inthawk hin, ‘Ka pa, nang chu ka tleirâwlna ṭhuoitu i nih,’ tiin ka kuomah i khêk naw dîm a nih?

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 50:4

Chuong niahai chun, chuong hunahai chun, LALPA chun a tih: Israel thlahai chu hung an ta, anni le Juda thlahai chu a ruolin hung an ta; an ṭap malamin hung an ta, LALPA an Pathien chu zawng an tih.

HOSEA 12:4

Anih, vântirko a thawh a, a hne tah, A ṭap a, ditsakna a ngên a, Bethel hmuna chun ama a hmu tah a, Chutaka chun a kuomah thu a hril a;

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khaw- hlotaka ei thaw am a na?

NAMBAR 2:18

“An pâwl tam dân izir peiin a thlangtieng panga chun Ephraimhai um an ta, Ephraim thlahai ṭhuoitu ding chu Ammihud naupa Alisama nîng a tih.

MATTHAI 3:3

Ama chu a nih, zâwlnei Isaiin, “Thlalêra mi khêk rawl chun, ‘Lalpa lamlien buotsai unla, A lampuihai suktlûn ro,’ a tih,” tia a hril kha.

MATTHAI 5:4

“Thlainvaihai chu an hamṭha; thlamuongin an la um ding a ni sih a.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

LUKA 6:21

“Nangni tuta phîngṭamhai, in hamṭha ie; in la khawp ding a ni sih a. “Nangni tuta ṭaphai, in hamṭha ie; in lân nui ding a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhang- pui hlak a; ieng anga ṭawngṭai ding am a ni ti ei hriet si nawh a; nisienlakhawm, Thlarau chun inrûm hril ruol loin a mi ṭawngṭai pêk hlak.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

DÂN PAHNINA 14:1

“LALPA in Pathien nauhai in nih a, mithi leiin in inât ding a ni nawh a, in mit inkâr mithmul in vâw kawl ding a ni bawk nawh,

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

HEBRAIHAI 12:13

chun, kebai chu sukpelsawl loa, sukdama a um lemna dingin, in kehai ta dingin lampui tlûnhai siem ro.

HEBRAIHAI 12:23

nau lutîr vâna hming chuong kohran kuom dâm, Pathien, mi po po ngaituotu kuom dâm, mi fel sukṭhat famkimhai thlarau kuom dâm,

HEBRAIHAI 5:7

Ama chun a tisa put lai nihaia khan thinaa inthawka ama sandam theitu kuoma khan nasataka khêk le mitthli tla puma ṭawngṭainahai le hninahai ân hlân a, a ṭi dêk leiin ngaiin a um a,

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.