JEREMIA 31:37 - Pathien Lekhabu Inthieng (BSI)

³⁷ LALPA chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: LALPA chun a tih.

JEREMIA 31:37 ပူးပေါင်းရင်းမြစ်များ

ISAI 40:12

Tuin am tuihai chu a kutpha zâwla chau inkhih a, vân khi khâp chaua inkhih a, hnuoia pilvut hi te- khâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

JEREMIA 33:22

Vâna umhai chu tiem sêng an ni nawh a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

INPÂKNA HLABU 89:2

“Ngilneina chu kumkhuoa dingin remin um a ta, I ringumna chu vânahai ngei khin sukdet i tih,” ka ti tah a nih.

JEREMIA 30:11

Nangma sandam ding chein i kuomah ka um sih a, LALPA chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti cheh a, hrem loin ieng kawnga khawm mâk- san naw ning che.

ISAI 65:9

Chun, Jakoba inthawkin chi pa- khat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

JOB LEKHABU (THE BOOK OF JOB) 38:18

Hnuoi khang lienzie chu i hriet ta hlak am? Hril rawh khai, a rênga i hriet vawng chun.

ISAI 54:9

Chu chu ka ta dingin Noa tuihai ang kha a ni sih a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.