JEREMIA 31:32 - Pathien Lekhabu Inthieng (BSI)

³² Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

JEREMIA 31:32 ပူးပေါင်းရင်းမြစ်များ

1 LALHAI 8:9

Aigupta rama inthawka an suok a, LALPAIN Israel thlahai kuoma thu a thlung laia Mosiein Horeb tlânga lungphêk pahni a siehai chau naw kha chu, chu bâwm sûnga chun iengkhawm a um nawh.

INPÂKNA HLABU 73:23

Nisienlakhawm, i kuomah ka um rawp a, Ka kut changtieng hi i lo chel hlak.

INPÂKNA HLABU 78:37

An lungril chu ama kuomah ân dik si nawh a, A thuthlunga chun ring an um bawk nawh.

FESUOKNA 19:5

Chuleiin, tuhin, ka thu in awi tak tak a, ka thuthlung in kawl tak tak ding chun, hnuoi hi ka ta a ni sih a, hnam dang po po lai chun ka ta dingin ro bîk nîng in tih.

FESUOKNA 32:8

an kuoma thu ka pêka inthawk chun an pêt hmang nghâl el tah a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an tih a,” tiin.

HLAHAI HLA 8:5

Thlalêra inthawka a hmangaitak ringsana Hungnu saw tu am a na? Nunghâk Apple thing hnuoia chun ka keiṭhang cheh a, Chutaka chun i nu chu nanga leia nauhase nat chun a um a, Chutaka chun nanga neitu che chu nauhase nat tuorin a um tah.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 41:13

Kei LALPA in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni sih a.

ISAI 54:5

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

JEREMIA 11:3

chun, an kuoma chun hieng hin hril la; Israel Pathien LALPA chun hieng hin a tih: Hi thuthlung thuhai hre lo mi chu ṭawngsephurin um raw se:

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 2:2

“Fe la, Jerusalem na bula chun khêk la, hieng hin hril rawh, LALPA chun hieng hin a tih; mo anga i hmangaina le, i tleirâwl lai lungin- sietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 22:9

Chun, anni chun, “LALPA an Pathien thuthlung chu an nghatsan a, pathien danghai an biek a, an rawng an bâwl leiin a nih,” tiin dawn an tih.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

JEREMIA 31:1

LALPA chun, “Chu pha chun Israel pahnam po pohai Pa- thien chu nîng ka ta, anni chu ka mihai nîng an tih,” a tih.

JEREMIA 34:13

“LALPA Israel Pathien chun hieng hin a tih: Intângna ina in- thawk, Aigupta rama inthawka anni ka ṭhuoi suok lai chun in thlatuhai kuoma chun hienga hril hin thuthlung ka lo siem tah a:

JEREMIA 34:14

‘Mi tinin a unaupa Hebrai mi nia, ama kuoma zawra lo um amanih, ama chu kum ruk sûng rawng lo bâwlpêk ta chu, kum sari tâwpa chun infetir in ta, nangmaa inthawk chun a thlâwnin în fetir ding a nih,’ tiin, nisienlakhawm, in thlatuhai chun an mi ngai nawh a, an na khawm an sit nawh.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni tah a; ka puon chu i chunga chun ka keiphar a, i saruokna chu kân khum tah a; anih, i kuoma chun kân khâm a, nangma le chun thuthlung ka lo siem tah a, Lalpa PATHIEN chun a tih; chun, ka ta i hung ni tah a.

EZEKIEL 20:37

Chun, vuokfung hnuoiah infetir ka ti cheu a, thuthlung khuokhirna hnuoiah lalût ka ti cheu;

EZEKIEL 23:4

An hminghai chu, a upa lem chu Ohola a na, a sangnu chu Oholiba a nih; ka ta an hung ni a, naupasalhai le naunuhmeihai an hung nei tah a. Chun, an hming thua chun Ohola chu Samaria a na, Oholiba chu Jerusalem chu a nih.

HOSEA 11:1

Israel chu a naupang lai chena inthawk ka hmangai a, Aigupta rama inthawkin ka naupa dinga ka ko suok a nih.

HOSEA 2:2

In nu hi ngên ro, ngên ro; Ama hi ka nuhmei a ni si nawh a. Kei khawm a pasal ka ni nawh; A hmêla inthawkin a nawchizawr chîng hi pei thla sienla, A ṭânghai laia inthawkin a uiret chîng hi pei thla raw se.

HOSEA 3:1

Chun, LALPA chun ka kuomah, “Fe nâwk ta la, nuhmei, mi dang- in an idit lai, uirenu chu va hmangai rawh, Israel thlahai chu pathien dang tieng nghain grêp bei thlum chu ngaina hai sien khawm LALPAIN a hmangai zing ang bawk hin,” a tih a.

LEVI DÂN 26:15

ka thuruothai in dit nawh a, in hringnain ka rorêlhai chu a theidah a, ka thupêkhai po po zâwm loa ka thuthlung in bawsiet chun,

MARKA 8:23

Chun, ama chun mitdel kut chu a chel a, khaw kâwl tieng a fepui a; chun, a mita chun chil a sâk a, a chungah a kut ân nghat zoin, “I hmu thei ta?” tîn ân dawn a.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

THILTHAWHAI 23:19

Sipai hotu laltak chun, a kutah a chel a, a fe hranpui a, inrûkin, “Ieng am mi hril ding i nei chu?” a ta, ân dawn a.

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

DÂN PAHNINA 1:31

thlalêra khawm miin a nau a puok angin, LALPA in Pathien chun hi hmun in tlung chen hin lampui intluonin a puokzie cheu in hmu kha,’ ka tih a.

DÂN PAHNINA 29:1

Horeb tlânga an kuoma thu a thlung bâkah LALPAIN Moab rama Israel thlahai kuoma Mosie thu ân thlungtir, a thuthlung thuhai chu hieng hi a nih.

DÂN PAHNINA 29:21

Hi dân bua chuong ṭawngsie thuthlung ang po po hin Israel hnam po po laia inthawkin suktuma umin thil ṭha naw tiengah LALPAIN in- thangtir a tih.

DÂN PAHNINA 29:24

hnam tinin, ‘Ieng leia hi ram hi hieng anga LALPAIN a thaw am a na? Hi lunginsen inling nasatak hi iengtizie am a na?’ tîng an tih.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.

DÂN PAHNINA 31:20

An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.

DÂN PAHNINA 5:2

LALPA ei Pathienin Horeba chun ei kuomah thu a thlung a.

DÂN PAHNINA 5:3

LALPA chun hi thu hi ei pi le puhai kuoma khan a thlung nawh a, einirawi, tu chena dama la um po pohai kuoma ngei hin a nih, a thlung lem chu.

HEBRAIHAI 8:9

An thlatuhai Aigupta rama ṭhuoi suok dinga, An kuta ka chel nia, Ka thuthlung ang kha ni loin; Ka thuthlunga chun an um zing si nawh a, Chuongchun, anni chu ka ngaisak ta naw a nih, Lalpain a tih.