JEREMIA 31:30 - Pathien Lekhabu Inthieng (BSI)

³⁰ Nisienlakhawm, mi tin chu mâni suolnaa ngei chun thîng a ta, mi tin grêp thûr fatu chu, ama hahai ngei chu ṭim a tih.

JEREMIA 31:30 ပူးပေါင်းရင်းမြစ်များ

2 LALHAI 14:6

amiruokchu, chuong tuolthat- tuhai nauhai ruok chu a that nawh a; Mosie dân bua, “Nauhai leiin pahai sukhlum ding a ni nawh a, pahai leiin nauhai sukhlum ding a ni bawk nawh a, mi tin chu mâni suol leiin an thi ding a nih,” tiha LALPA thupêk dân ziek ang khan.

JOB LEKHABU (THE BOOK OF JOB) 21:20

An mithai chun an sietna ngei chu hmu sienla, Iengkimthawthei lunginsenna ngei chu indâwntirin um raw hai se,

ISAI 3:11

Mi suol chung chu a rik de! An la se ding a nih; an kuta thilthaw thung- na chu an kuoma pêk a la ni ding a ni sih a.

EZEKIEL 18:20

Mi a suksuoltu chu, chu chu thîng a ta; naupa chun pa suolna chu phur naw nih a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo rîtlona chu mi rilo chunga bawk chun um a tih.

EZEKIEL 18:4

Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuol chu thîng a tih.

EZEKIEL 3:24

Chun, thlarau chu keimaa chun a hung lût a, ka kehai chun a mîn ngîrtir tah a; chun, a mîn biekpui a, ka kuomah, “Fe la, i inah inkhâr khum rawh.

EZEKIEL 33:13

Mi fel kuoma chun a hring ngei ding a ni ka ti pha chun, a felna chu a ring a, suolna a thaw chun, a thil thaw felhai chu a ieng khawm hriet zing ni naw nih a; amiruokchu, a suolna a lo thaw taha chun thîng a tih.

EZEKIEL 33:18

Mi fel chu a felnaa inthawka ân herhmanga thil suol a thaw chun, chutaka chun a thi ngei ding a nih.

EZEKIEL 33:8

Mi rilo kuoma chun, ‘Aw mi rilo, i thi ngei ding a nih,’ ka tih a, mi rilo chu a um dân bânsan dinga vau- lâwkna thu i hril si naw chun mi rilo chu ama suolnaa chun thîng a ta, amiruokchu, a thisen maw chu nangmaa chun ka phût ding a nih.

GALATI 6:5

Mi tinin mani phur an phur seng ding a ni sih a.

DÂN PAHNINA 24:16

“Nauhai leiin pahai chu suk- hlum ding a ni nawh a, pahai leiin nauhai khawm sukhlum ding a ni bawk nawh; mi tin mâni suol lei chaua sukhlum ding a nih.

JAKOB 1:15

Chun, châkna chun tê a vawn a, suol a nei hlak; chun, suol chun a hung puitlingin thina a hung suksuok hlak.