JEREMIA 31:23 - Pathien Lekhabu Inthieng (BSI)

²³ Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 31:23 ပူးပေါင်းရင်းမြစ်များ

INPÂKNA HLABU 128:5

LALPA chun Ziona inthawkin malsâwm a ti che: Chuongchun, i dam sûng po chun Jerusalem ṭhatna chu hmûng i tih.

INPÂKNA HLABU 129:8

“LALPA malsâwmna in chungah um raw se, LALPA hmingin mal kan sâwm cheu hi,” A fe khêltuhaiin an ti ngai bawk nawh.

INPÂKNA HLABU 134:3

LALPA chun Ziona inthawkin malsâwm raw se cheu, Hnuoi le vân siemtu ngei chun.

INPÂKNA HLABU 28:9

I mihai chu sandam la, i rochan chu malsâwm rawh: Anni chu châwm la, kumkhuoin pawm rawh.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 32:16

Chupha chun rorêl felna chu thlalêra chun chêng a ta, felna chu hnuoi ṭhatakna hmuna chun um a tih.

ISAI 33:5

LALPA chu chawisângin a um tah; chungtienga khin a um sih a; ama chun Zion chu rorêl felna le felnain a suksip tah.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

JEREMIA 29:14

Nangni ihmuin um ka ta, LALPA chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, LALPA chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:18

LALPA chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khaw- puiahai dâm, phairuoma khawpuia- hai dâm, Sima khawpuiahai dâm chun: an sal intângnaa inthawkin kân kîrtir ding a ni sih a, LALPA chun a tih” tiin.

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna LALPA, an thla- tuhai beiseitak, LALPA chunga chun thil an suksuol lei a nih, ei sukpawi nawh,’ an tih a.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

MIKA 4:1

Nisienlakhawm, ni nuhnungahai chun hieng ang hi hung nîng a ta; LALPA in umna tlâng chu tlâng lien- hai chunga chun sukdet nîng a ta, tlâng chînhai chunga chun chawi- sângin um bawk a tih; chutaka chun chi tinrênghai chu fe hum hum an tih.

ZEKARIA 8:3

LALPA chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai LALPA tlâng chu, ‘Tlâng inthieng,’ ti nîng a tih,” tiin.

RUTH 2:4

Chun, ngai ta, Bethlehema in- thawkin Boaz chu a hung a, busîktuhai kuoma chun, “In kuomah LALPA um raw se,” a tih a. Anni chun, “LALPAIN malsâwm raw se che,” tiin an dawn a.