JEREMIA 31:20 - Pathien Lekhabu Inthieng (BSI)

²⁰ Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 31:20 ပူးပေါင်းရင်းမြစ်များ

INṬANNA 43:30

Chun, Josefin a sang a hmu chun lungriemin a thlâk a, chuong- chun, ṭapna hmun inhmawtakin a zawng ta vat a, pindan sûngah a lût a, chutaka chun a ṭap suok tah a.

1 LALHAI 3:26

Chuongchun, nautê dam lem a nu chun nautê chu a lainat êm êm el sih a; lal kuoma chun, “Aw ka lalpa, nautê dam hi ama kha pe el rawh, a that chu that lul naw raw khai,” a ta. Pakhat lem chun, “Chang bîk naw tawp ka tih, nang khawma chang bîk naw bawk i tih, tanbawng el ro,” a ta.

INPÂKNA HLABU 103:13

Pain a nauhai a lunginsiet ang hin, LALPA chun ama ṭituhai chu a lunginsiet hlak.

THUVARHAI 3:12

LALPA chun a hmangai chu a kâwk hlak a; Naupa a ilâwm chunga pain a kâwk ang elin.

HLAHAI HLA 5:4

Ka hmangaitak chun kawtkhâr âwnga chun a kut a hung pur a, Chun, ama ta dingin ka lungril chu a hung châng tah a.

ISAI 16:11

Chuleiin, ka rîhai chu Moab lunginsiet leiin ṭingṭang angin ân rih a, ka phîng sûng chu Kirheres lungin- siet leiin ṭingṭang angin ân ri bawk a.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 55:7

mi rilo chun a um dân chu bânsan sienla, mi fel naw chun a ngai- tuonahai chu bânsan bawk raw se; LALPA kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm sih a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 3:12

Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni sih a” tiin.

JEREMIA 48:36

Chuleiin, Moab ta dingin ka lung chu theihle angin ân rih a, Kir- heresa mihai ta dingin ka lung chu theihle angin ân ri a nih; chuleiin, tamtak a ihmu tahai khawm chu a bohmang tah a nih.

ṬAP HLA 3:22

A lunginsietna chun a tlin naw naw leiin, LALPA zângaina leiin sukbohmangin ka um hri nawh a.

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

HOSEA 14:4

An hnungtawlna hi sukdam ka ta, Annia inthawka ka lungin- senna chu ân kieng ta leiin, Anni chu ka hmangai hrim hrim ding a nih.

LEVI DÂN 26:44

Nisienlakhawm, chuonghai po po leia an hmêlmahai rama an um sûng khawm chun, anni sukbo- hmang dêr ding le anni le ka thuthlung chu sukse dingin anni chu pei thla naw ningah, theida naw bawk ka tih; kei hi LALPA an Pathien chu ka ni sih a;

LUKA 15:24

hi ka naupa hi a thih a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuong- chun, hlimtakin an um ṭan tah a.

LUKA 15:32

Hlimtak le lâwmtaka um ding a ni hrim annâwm; hi i sang hi a thih a, a hung hring nâwk tah a; ân hmang a, ei hmu nâwk tah a ni sih a,’ a tih a,” a ta.

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

PHILIPPI 1:8

Krista Isu lainatna chun in rêngin ka ngaizie cheu chu, Pathien a mi hrepuitu a nih in sawnnaw.

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.