JEREMIA 31:19 - Pathien Lekhabu Inthieng (BSI)

¹⁹ Matheiloin, chu hnunga chun kân let a, kei khawm ka lamlêt tah a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

JEREMIA 31:19 ပူးပေါင်းရင်းမြစ်များ

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

JOB LEKHABU (THE BOOK OF JOB) 13:26

Nang chun ka chungah thil khatakhai chu i ziek a, Ka tleirâwl lai khawhlonahai ro chu hluo dingin i mi siem a.

JOB LEKHABU (THE BOOK OF JOB) 20:11

A ruhai chu a tleirâwlnaa sip a na, Nisienlakhawm, ama leh pilvuta chun zâl tâng a tih.

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 25:7

Ka tleirâwl lai suolnahai le ka bawsietnahai chu hre zing naw la, Aw LALPA, i ṭhatna leiin, I ngilneizie ang peiin mi hre zing rawh.

ISAI 54:4

Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i tih a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 3:25

ei inzaknaa chun zâl ei ta, ei lungril ngaibuoina chun mîn khum raw se; LALPA ei Pathien chunga chun thil ei lo suksuol ta sih a; ei naupang laia inthawk tah vawisûn chen hin eini ni leh, ei thlatuhai ni leh; chuongchun, LALPA ei Pathien râwl chu ei lo awi ta naw a nih.

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

EZEKIEL 21:12

Mihriem naupa, khêk la, inrûm rawh; ka mihai chunga tlung a na, Israel lalhai po po chungah a tlung sih a; anni chu ka mihai leh kâwlhnâm kuoma chun pêkin an um a; Chuleiin, i êlpui chu ben rawh.

EZEKIEL 21:17

Kei khawma ka kuthai ben tuong ka ta, lunginsenna chu sukdei ka tih; kei LALPA chun ka ti ta a nih, ti rawh,” a ta.

EZEKIEL 23:3

Aiguptaa chun nawchizawr sin an thawh a, an tleirâwla inthawkin nawchizawr sin chu an thaw a na, an nênehai chu hmet a na, chuongchun, an nunghâk inthiengna nêne chu hmet zêk a na.

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in tisaa inthawkin lungril lung ang chu la hmang ka ta, tisa lungril innêm pe lem ka ti cheu.

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

LUKA 15:30

Nisienlakhawm, hi i naupa nawchizawrhai kâwla i sum fa zo vawngtu hi a hung phingleh ama ta dingin sebâwngtê thâutak kha i lo thatpêk vei a,’ a ta, a dawn a.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam nawh a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

DÂN PAHNINA 30:2

LALPA in Pathien tieng chu in ngha nâwk a, tuta thu ka pêk cheu ang hin nangni le in nauhai leh in lungril po po le in lungvar po poa a rawl in zâwm pha chun,

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;