JEREMIA 31:18 - Pathien Lekhabu Inthieng (BSI)

¹⁸ Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu LALPA ka Pathien i ni sih a,” tiin.

JEREMIA 31:18 ပူးပေါင်းရင်းမြစ်များ

JOB LEKHABU (THE BOOK OF JOB) 5:17

“Ngai ta, mi Pathienin a sukdik chu a va hlim de! Chuleiin, Iengkimthawthei thununna chu hmusit naw rawh.

INPÂKNA HLABU 118:18

LALPA chun nasatakin a mi thunun a, Thina kuoma ruok chun a mi pêk êm nawh.

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 119:75

Aw LALPA, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 31:15

Ka hunhai chu i kutah a um a, A mi dotuhai le a mi suknawmnatuhaia inthawk hin mi sanhim rawh.

INPÂKNA HLABU 32:9

Ngaituona nei naw sakawr ama- nih, sabengtung amani angin um naw ro, Anni chun chelngîrna ding thîrbar amanih, keingîrna dinga hrui dâm an ṭûl hlak sih a; Chuong naw chun i kâwl hnaiah hung naw ni hai.

INPÂKNA HLABU 80:19

Aw LALPA, sipaihai Pathien, mîn nghatkîrtir nâwk la. I hmêl kha sukvar la, chuongchun, sandamin um kan tih.

INPÂKNA HLABU 80:3

Aw Pathien, mîn nghatkîrtir nâwk la; I hmêl kha sukvar la; chuong- chun, sandamin um kan tih.

INPÂKNA HLABU 80:7

Aw sipaihai Pathien, mîn nghatkîrtir nâwk la, I hmêl kha sukvar la, chuongchun, sandamin kan um ding annâwm.

INPÂKNA HLABU 85:4

Aw, a mi sandamtu Pathien, mîn nghatkîrtir la, Kan chungah i lunginsenna chu sukbo rawh.

INPÂKNA HLABU 94:12

Mi i thunun a, i dân thua inthawka i inchûktir chu, Aw LALPA, a hamṭha.

THUVARHAI 26:3

Vuokna hruihruol chu sakawr ta ding a na, thîrse chu sabengtung ta ding, Chun, hmawl chu mi invêthai ruongzâng ta ding a nih.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUVARHAI 3:11

Ka naupa, LALPA thununna chu ngainêp naw la, A kâwkna chu ngaitha bawk naw rawh.

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, LALPA lunginsenna le i Pathien kâwkna chun an sip tah a nih.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

JEREMIA 17:14

Aw LALPA, mi sukdam la, sukdamin um ka tih; mi sandam la, sandamin um ka tih; ka inpâkna chu nang i ni sih a.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 3:25

ei inzaknaa chun zâl ei ta, ei lungril ngaibuoina chun mîn khum raw se; LALPA ei Pathien chunga chun thil ei lo suksuol ta sih a; ei naupang laia inthawk tah vawisûn chen hin eini ni leh, ei thlatuhai ni leh; chuongchun, LALPA ei Pathien râwl chu ei lo awi ta naw a nih.

JEREMIA 31:6

Ephraim muolhaia vêngtuhai chun, ‘Tho unla, LALPA ei Pathien kuomah Ziona chun fêng ei tiu,’ tia an khêkna nihai chu a la hung tlung ding a ni sih a,” tiin.

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

ṬAP HLA 5:21

Aw LALPA, i kuom tieng mîn nghat kîrtir nâwk la, hung ngha kîr el kan tih, Tienlai hun ang khan kan nihai hung sukthar rawh!

EZEKIEL 20:43

chutaka chun, in lampuihai le in thilthawhai po po, in lo insuk- pawrchenahai chu hre zing in tih; chun, in suolnahai po po, in lo suksuol tahaia chun in mithmu ngeia chun nangni le nangni intheida tâng in tih.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

HOSEA 10:11

Ephraim chu bâwngla inchûktir tah, Bu chîl hrâttak a nih; Nisienlakhawm, kei ngei hin a rîng mawitaka chun Rîngkawl inbâttir tâng ka ta; Ephraim chunga chun mi inchuongtir ka tih; Juda khawm chun hnuoi inlet a ta, Jakob chun a pil tlanghai chu suknâwi a tih.

HOSEA 4:16

Bâwngla kâwmaw ang elin Israelhai chu an kâwmaw a, Tuhin LALPAIN berâmte angin hmun lientakah châwm a tih.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

MALAKI 3:16

Chun, LALPA ṭi mihai chu an inbiek tâwl a; chun, LALPA khawmin anni chu a ngai ngei a, a hriet a, ama hmaa chun hriet zingna lekhabu chu, LALPA ṭituhai le, ama hming ngaituo hlaktuhai ta ding chun ziekin a um tah a.

MALAKI 4:6

Ama chun pahai lungril chu nau- hai tieng innghatir a ta, nauhai lung- ril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.

NAMBAR 2:18

“An pâwl tam dân izir peiin a thlangtieng panga chun Ephraimhai um an ta, Ephraim thlahai ṭhuoitu ding chu Ammihud naupa Alisama nîng a tih.

LUKA 1:17

Chun, pahai lungril chu nauhai tienga innghattir ding dâm, mi kâwmawhai chu mi feltak varna tienga innghattir ding dâm, Lalpa ta dinga mihai lo buotsai dingin Elija lungril le thilthawtheina putin Lalpa hmaah fêng a tih,” a ta.

LUKA 15:20

“Chuongchun, a tho a, a pa kuomah a fe tah a. Chuongchun, hlataka a la um laiin a pain a lo hmuh a, a lunginsiet bêk bêk a, a tlân a, a kuoh a, a fâwp ta ngâwi ngâwi a.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni sih a.

HEBRAIHAI 12:5

infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.