JEREMIA 30:15 - Pathien Lekhabu Inthieng (BSI)

¹⁵ I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle sih a, hieng thilhai hi i chungah ka thaw a ni hi.

JEREMIA 30:15 ပူးပေါင်းရင်းမြစ်များ

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khaw- hlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga thaw amani khawm ni sien, angkhat a nih.

JOB LEKHABU (THE BOOK OF JOB) 34:6

Ka thiemna chunga chun kân khêl ding am a nih? Bawsietna bo ni lang khawm, ka hliemna chu sukdam thei lo a nih,’ a ti sih a.

INPÂKNA HLABU 107:17

Mi invêthai chu an bawsietna lei le, An rîtlonahai leiin an insukrinum hlak a.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping nawh a, an tuom bawk nawh a, sahriek khawm an nâl bawk nawh.

ISAI 5:2

Ka idittak chun tlâng hnuoi ṭhatna takah grêp huon a nei a, a vêlin hnuoi a cho khur a; a lunghai chu a rût fai a, grêphrui ṭhatak chi a phun a, a laia chun in insâng a bâwl a, chutaka chun grêp sâwrna khur khawm a cho a; chun, grêp raa ra dingin a beisei a, nisienla- khawm, grêp suok elin a hung ra ta lem a.

JEREMIA 11:13

Aw Juda, i khawpui ni zât ang pei el chun i pathienhai chu an um sih a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 15:18

Iengleiin am ka natna hi a re hlek nawh a, sukdam nuom dêr lo ang ela ka hliemna hi sukdam thei loa um am an nih a? Ka ta ding hin vadungte hlêmhmang, tuihai kang hlak ang chu in ni tak tak ding am a nih?

JEREMIA 2:19

Nangma rîtlona ngei chun suk- dik a ti cheh a, i hnungtawlnahai chun nang chu kâwk a ti che; chulei- in, LALPA i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, LALPA, sipaihai LALPA chun a tih.

JEREMIA 30:12

“LALPA chun hieng hin a ti sih a: I natna chu sukdam theilo a na, i hliemna chu a nasa êm êm a.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nang- ma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, LALPA chun a ti sih a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 46:11

Gileada chun hang fe la, thinghnai damdâwi hang la rawh, aw Aigupta naunu nunghâk inthieng, a thlâwn elin damdâwi tamtak i lo hmang tah a; i ta dingin damna hrim a um nawh a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun LALPAIN ama chu a sukrimsi sih a, A nau le têhai chu a hmêl- mahai hmaa chun salah an feh a.

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

ṬAP HLA 3:39

Iengleiin am mi hring chu mi a suolnahai leia hremna thua chier hlak a na?

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

MIKA 1:9

A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.

MIKA 7:9

LALPA chunga chun thil ka suksuol ta leiin, a lungninawna nasa- tak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

NAHUM 3:19

I na chu a damna ding a um nawh, i hliemna chu a nasa hle a nih; i ri hre taphawt chun kut an ben- khum che; i rîtlona hin a chîm rawp naw tu am a um a?