JEREMIA 30:14 - Pathien Lekhabu Inthieng (BSI)

¹⁴ Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 30:14 ပူးပေါင်းရင်းမြစ်များ

JOB LEKHABU (THE BOOK OF JOB) 16:9

A lunginsenin a mi kei nâwi a, a mi hrem tah a; Ka chunga chun a ha a mi râwt khum a, Ka hmêlma chun ka chungah a mitsîr a sukngei a.

JOB LEKHABU (THE BOOK OF JOB) 19:11

A lunginsenna chu ka chungah a sukchawk a, A hmêlma pakhat ang chun a mi ngai tah a.

JOB LEKHABU (THE BOOK OF JOB) 30:21

Ka chunga nunse dingin în chang tah a, I kut hrâtna chun i mi hrem a ni ta hi.

INPÂKNA HLABU 107:17

Mi invêthai chu an bawsietna lei le, An rîtlonahai leiin an insukrinum hlak a.

ISAI 57:13

I khêk pha chun i lâk khâwmhai chun sanhim raw se che; nisien- lakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 22:20

Lebanona chun hang fe la, hang khêk rawh: Basana inthawk chun i râwl insuo la, Abarima inthawk chun khêk rawh: i hmangaihai po po chu an bohmang vawng ta sih a.

JEREMIA 22:22

I berâmpuhai po po chu thliin châwm a ta, i hmangaihai chu salah intâng an tih: chu pha chun mathei- loin, i khawhlonahai po po lei chun inzak i ta, buoi ngei ngei i tih.

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle sih a, hieng thilhai hi i chungah ka thaw a ni hi.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

JEREMIA 32:34

Amiruokchu, an tirdakumna chu ka hming chawia sak in chu sukpawrche dingin an sieh a.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 38:22

Ngai ta, Juda ram lal ina nu- hmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriet- takhai chun an hlêm cheh a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnaw- haiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl cheh a, i hringna lâk an tum a nih.

JEREMIA 44:22

Thil tirdakum in thawhai lei le, in thilthawhai suol lei chun LALPA chun a tuor pei ta nawh a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 5:5

Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, LALPA lampui chu an hriet sih a,” ka tih a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan tah a.

JEREMIA 5:6

Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang tah a, An hringnahai sukhrât dinga bu an zawng lai chun.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 2:1

Zion naunu chu LALPA chun a lunginsena iengtizie a sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

EZEKIEL 23:22

“Chuleiin, Oholiba, Lalpa PATHIEN chun hieng hin a tih; Ngai ta, i dit zâwnghai chu i chungah hung inṭuongtir ka ta; i lungrilin a hran- sanhai chu, sîr tina chun i chungah inhungtir ka tih;

EZEKIEL 23:9

Chuleichun, a hmangaihai kut- ah, a însaipui Assuria mihai kuta chun ka pêk suok tah a.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet tah a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um tah a; chuonga chun thil kan lo suksuol ta sih a.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

DANIEL 9:5

kan lo suol tah a, indiklotakin kan lo thaw tah a; khawhlotakin kan lo thaw tah a, kan lo hel tah a; i rorêlnahai le thupêkhaia inthawka lo inher hmangin;

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni sih a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

OBADIA 1:7

I tienga ṭhanghai po poin ramri hiel an hung intlun che a, mi inrem- taka i umpuihai khan an hlêm cheh a, an hne ta che a nih; i bei fatuhai khan i hnuoiah châng an kam a: Amaa chun hrietthiemna hrim a um naw a nih.