JEREMIA 30:12 - Pathien Lekhabu Inthieng (BSI)

¹² “LALPA chun hieng hin a ti sih a: I natna chu sukdam theilo a na, i hliemna chu a nasa êm êm a.

JEREMIA 30:12 ပူးပေါင်းရင်းမြစ်များ

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung nawh a; sukdamna ding huna khawm chun lunginzîngna hmu a nih!

JEREMIA 15:18

Iengleiin am ka natna hi a re hlek nawh a, sukdam nuom dêr lo ang ela ka hliemna hi sukdam thei loa um am an nih a? Ka ta ding hin vadungte hlêmhmang, tuihai kang hlak ang chu in ni tak tak ding am a nih?

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle sih a, hieng thilhai hi i chungah ka thaw a ni hi.

JEREMIA 6:7

Tuisunsuo chun a tuihai a phu- suok angin, a khawhlonahai chu a phusuok a; a sûnga chun inpâwng- nêkna le suksietna hriet a na, ka hmaa chun natna le hliemnahai chu a um zing zing a nih.

JEREMIA 8:22

Gileada hin thinghnai damdawi a um naw maw? Chutaka chun dam- dawi thiem mi an um naw maw? Chuong a ni chun ieng dinga ka chi- puihai naunu chu sukdam a ni nâwm a na?

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

EZEKIEL 37:11

Chun, ka kuoma chun, “Mi- hriem naupa, hieng ruhai hi Israel sûngkuohai po po chu an na, ngai ta, anni chun, ‘Ei ruhai hlak a ṭâwl zo tah a, ei beisei hlak a bo dêr tah a; sât thlâk fiṭhuoi ei ni ta a ni hi,’ an tih a.

HOSEA 5:13

Ephraim chun a natna a hmuh a, Juda chun a hliem a hmuh a, Chuongchun, Ephraim chu Assuria kuomah a feh a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

MIKA 1:9

A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.

NAHUM 3:19

I na chu a damna ding a um nawh, i hliemna chu a nasa hle a nih; i ri hre taphawt chun kut an ben- khum che; i rîtlona hin a chîm rawp naw tu am a um a?