JEREMIA 3:16 - Pathien Lekhabu Inthieng (BSI)

¹⁶ Chun, chu rama chun in hung pung a, in hung tam pha chun; chuong niahai chun, LALPA chun a tih, “LALPA thuthlungna bâwm hi,” ti ta ngai naw ni hai. An lungrilah hung lût ta naw nih a, anni hlaka hre zing ta naw ni hai a; va sir bawk naw ni hai a, thawa thaw khawm um ta naw ni,’ ti ta ngai naw ni hai.

JEREMIA 3:16 ပူးပေါင်းရင်းမြစ်များ

ISAI 60:22

Mi chîn chu sâng khat ni tâng a ta, mi chiterek khawm hnam hrâttak ni tâng a tih; kei LALPA hin a hun pha chun intlungtir vak ka tih.

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

JEREMIA 3:17

Chu pha chun Jerusalem chu LALPA lalṭhungpha tiin inbûk an ta, hnam po pohai chu chutaka chun kei khâwm nîng an ta, LALPA hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:27

Ngai ta u, nihai chu a hung tlung, LALPA chun a tih: Juda sûng- kuo le Israel sûngkuo chu ramsa chi le mihriem chiin tûng ka ta.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia in- thawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuong- chun, pâwl ropuitak chu hitieng hin hung kîr an tih.

JEREMIA 7:4

‘LALPA biekin chu, LALPA biek- in chu, LALPA biekin chu hi hi a nih,’ ti thukhêl dâm hi ring naw ro.

EZEKIEL 15:5

Ngai ta, a pumpuia a um lai khawma ieng sina ding khawma a tlâktlai naw a, meiin a kâng hmang zo hnung lem chun a va tlâktlai naw nasa âwmin, a kâng hnung chun sin ieng dingin am tlâktlai tâng a ta!

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, suk- pung ka ta, anni laia chun ka hmun inthieng chu kumkhawtluongin sie tâng ka tih.

AMOS 9:9

“Ngai ta u, thu ka pêk ding a ni sih a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.

MATTHAI 1:11

Babulon tienga sala an ṭhuoi lai vel khan, Josiain Jekonia le a unau- hai a thlah a;

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.