JEREMIA 3:12 - Pathien Lekhabu Inthieng (BSI)

¹² Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

JEREMIA 3:12 ပူးပေါင်းရင်းမြစ်များ

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chu kawtkhâr bulah a bawk zing a nih; a dit zâwng chu nangma thuhne che a nih a, nisienlakhawm, nangin i thuhne lem ding a nih,” a tih a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 17:23

chuonghai chu LALPAIN a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi tah a, tu chen hin chutaka chun an la um ta zing a nih.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 18:1

Chun, Ela naupa Israel lal Hosea kum thum ân lal kum chun Juda lal Ahaz naupa Hezekia chu ân lal ṭan a.

2 CHANCHIN SUINA 29:10

Tuhin, einia inthawka a lungin- senna ṭiumtak chu lâk hmang a ni theina dingin Israel Pathien LALPA le chun thuthlung siem ka lungril a nih.

2 CHANCHIN SUINA 30:9

LALPA kuom tieng in nghakîr nâwk chun, in unauhai le in thlahaiin sala ṭhuoituhai hmaa chun lungin- sietna dawng an ta, hi rama hin hung nâwk an tih, ama kuomah in kîr phawt chun LALPA in Pathien ngilneitak le zângai theitak a na, nghatsan naw ni cheu,” tiin.

INPÂKNA HLABU 103:17

LALPA zainêmna ruok chu a ṭituhai chunga chun chatuona inthawka chatuon chenin um a ta, A felna khawm an thlahai thlahai chenin;

INPÂKNA HLABU 103:8

LALPA chu lainatnaa sip, mi lunginsiet theitak, Lunginuoitak, ngilneina hautak a nih.

INPÂKNA HLABU 103:9

Ama chun hal rawp naw ni a, A lungsen chu vawng kumkhuo naw ni.

INPÂKNA HLABU 145:8

LALPA chu mi lunginsiet thei, lainatnaa sip, Lunginuoi, ngilneina nasatak nei a nih.

INPÂKNA HLABU 79:5

Aw LALPA, ieng chen am i lunginsen kumkhuo ding a na? I thîkna chu mei angin a chawk ding am a nih?

INPÂKNA HLABU 86:15

Nisienlakhawm, aw LALPA, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

LALPA, nang chu i ṭhah a, ngaidam i pei a, A kotuhai che phawt kuomah zainêmna i hau sih a.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 31:6

“Aw Israel thlahai, nasataka in helsan tieng chu ngha nâwk ta ro.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

JEREMIA 11:6

Chun, LALPA chun ka kuomah; Jerusalem kawtthlêrahai po po le, Juda khawpuiahai po po chun hienga hril hin va phuong rawh: Hieng thuthlung thuhai hi ngai unla, thaw ro.

JEREMIA 12:15

Anni ka hmalthlâk hnunga chun hung kîr nâwk ka ta, an chung- ah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 23:8

Hmâr rama inthawk le anni ka hnawt hmangna ram po pohaia in- thawka Israel sûngkuo chu enkawla ṭhuoitu LALPA ti ni lem tâng a tih: chuongchun, anni ram ngeia chun chêng tâng an tih.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

JEREMIA 3:18

Chuong nihaia chun Juda sûng- kuo chu Israel sûngkuo le chun in- tlawn an ta, hmâr tieng rama in- thawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 3:22

“Hnungtawl thlahai, hung kîr ro; in hnungtawlnahai chu lo suk- dampêk ka ti cheu.” “Ngai ta, i kuoma chun kan hung ie, nang chu LALPA kan Pathien chu i ni sih a.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw tah a, i suol thei dân tâwpin i lo suol tah,” tiin.

JEREMIA 3:7

Hieng thilhai po po hi a thaw zo hnung chun ka kuomah hung kîr i tih, ka tih a, nisienlakhawm, a hung kîr si nawh a, a zuorpuinu rilotak Juda khawm chun ama chu a hmuh a.

JEREMIA 30:11

Nangma sandam ding chein i kuomah ka um sih a, LALPA chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti cheh a, hrem loin ieng kawnga khawm mâk- san naw ning che.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 31:21

Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nu- nghâk inthieng Israel, hieng i khaw- puihai tienga hin kîr nâwk rawh.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia in- thawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuong- chun, pâwl ropuitak chu hitieng hin hung kîr an tih.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni sih a” tiin.

JEREMIA 4:1

“Aw Israel, i hung kîr chun, LALPA Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

ṬAP HLA 3:22

A lunginsietna chun a tlin naw naw leiin, LALPA zângaina leiin sukbohmangin ka um hri nawh a.

EZEKIEL 11:17

Chuleiin, ‘Lalpa PATHIEN chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 39:25

“Chuleiin, Lalpa PATHIEN chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

HOSEA 6:1

“Hung ta u, LALPA kuomah kîr ei tiu, A mi kei nâwi taha chu a mi lo sukdam nâwk ding a ni sih a, A mi lo vuok ta nâka chu a mi tuom nâwk ding a ni sih a;

LEVI DÂN 26:40

“An suol, ka chunga an suolna lei le, an rîtlona le an pi le puhai rît- lona leh, a mi kal zâwnga an um leia

ZEKARIA 1:4

Inhmaa zâwlneihaiin an kuoma, ‘Sipaihai LALPA chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, LALPA chun a tih.

DÂN PAHNINA 30:2

LALPA in Pathien tieng chu in ngha nâwk a, tuta thu ka pêk cheu ang hin nangni le in nauhai leh in lungril po po le in lungvar po poa a rawl in zâwm pha chun,