JEREMIA 3:1 - Pathien Lekhabu Inthieng (BSI)

¹ “Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:1 ပူးပေါင်းရင်းမြစ်များ

INPÂKNA HLABU 106:38

Thisen pawitâwklo, an naupasalhai le an naunuhmeihai thisen ngei chu an insuo tah a, Chuonghai chun Kanaan ram milimhai kuomah an inthâwi a, Chu ram chu thisenin a lo pawrche tah a.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

JEREMIA 2:20

Inhmâta inthawk khan i rîng- kawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta sih a.

JEREMIA 2:23

Iengtin am ‘Sukpawrchein ka um nawh a, Baal khawm chu ka zui nawh a,’ ti thei i ta? Phairuoma i lampui chu en la, i thaw tahai chu hre bawk rawh; sanghâwngsei tuoi hrât- tak a lampuihai thlep kawi kawi le;

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

JEREMIA 22:20

Lebanona chun hang fe la, hang khêk rawh: Basana inthawk chun i râwl insuo la, Abarima inthawk chun khêk rawh: i hmangaihai po po chu an bohmang vawng ta sih a.

JEREMIA 3:22

“Hnungtawl thlahai, hung kîr ro; in hnungtawlnahai chu lo suk- dampêk ka ti cheu.” “Ngai ta, i kuoma chun kan hung ie, nang chu LALPA kan Pathien chu i ni sih a.

JEREMIA 3:9

A hurna inruina lei chun ram chu sukpawrchein a um tah a; thingbul- hai le lunghai le chun a lo uire tah a.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun LALPA chun thil thar a siemsuok a, “Nuhmeiin pasal a hum ta lem,” ti hi.

JEREMIA 4:1

“Aw Israel, i hung kîr chun, LALPA Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

EZEKIEL 16:26

I tuolbâwm, tisa ropuina, Aigupta mi le khawm chun i lo uire tah a; lunginsennaa mi chophâwk dingin i hurna chu i sukpung tah a.

EZEKIEL 16:30

Hieng thil, nuhmei châk tawm tawmhai sin i thaw hi hmuin, ‘I lungril chu a va khawhlo de!’ Lalpa PATHIEN chun a ti a nih.

EZEKIEL 16:35

“Chuleiin, aw nang nawchi- zawr, LALPA thu chu lo hre rawh:

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

HOSEA 1:2

Hosea hmanga LALPA thu hril phutna chu. LALPA chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin LALPA chu a uiret hmangsan tah,” a tih a.

HOSEA 2:2

In nu hi ngên ro, ngên ro; Ama hi ka nuhmei a ni si nawh a. Kei khawm a pasal ka ni nawh; A hmêla inthawkin a nawchizawr chîng hi pei thla sienla, A ṭânghai laia inthawkin a uiret chîng hi pei thla raw se.

MIKA 2:10

Tho unla, fe hmang ro; hi hi in châwlna hmun a ni si nawh a; sietna nasatak chena sukse hlaktu in- thiengnawna chu a um leiin.

ZEKARIA 1:3

Chuleiin, nangin an kuomah, LALPA chun, hieng hin a tih tiin hril rawh: Sipaihai LALPA chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai LALPA chun a tih.

MATTHAI 5:31

“Chun, ‘Tukhawm nuhmei ma chun inmâkna lekha a kuomah pe raw se,’ an ti bawk a.

DÂN PAHNINA 22:21

nunghâk chu a pa kawtkhâra chun ṭhuoi suok an ta, a umna khuoa mihai chun lungin dêng hlum an tih, a pa ina nawchizawra Israelhai laia thil suol invêtthlâktak el a thaw lei chun chuong ang chun nangni laia inthawkin thil ṭha naw chu in sukbo ding a nih.

RORELTUHAI 19:2

A thaikêm chun a uiretsan a, chuongchun, Juda ram Bethlehemah a pa kuomah a tlânsan a, chutaka chun thla li zet a um a.