JEREMIA 29:8 - Pathien Lekhabu Inthieng (BSI)

⁸ Sipaihai LALPA Israel Pathien chun hieng hin a tih: Nangni laia in zâwlnei umhai le, in khawhri zâwl- haiin hlêm naw raw se cheu, chun, in manghai in imang khawm chu ring bawk naw unla.

JEREMIA 29:8 ပူးပေါင်းရင်းမြစ်များ

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:16

Sipaihai LALPA chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, LALPA baua inthawka mi chu ni loin.

JEREMIA 23:21

Hieng zâwlneihai hi ka tir nawh a, anachu, an tlân sih a; an kuoma chun thu khawm ka hril nawh a, anachu, anni chun thu an hril sih a.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 23:27

an thlatuhaiin Baal leia ka hming an theinghil anga, mi tinin mâni tuolbâwmhai kuomah an mang- hai an hrilin ka mihai chu ka hming intheinghiltir dingin an ngaituo a.

JEREMIA 27:9

Nisienlakhawm, nangni chung- thu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

JEREMIA 28:15

Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, LALPA chun nang a tir naw cheh a, nisien- lakhawm, hi mipui hi khêlthu chu în ringtir a ni hi.

JEREMIA 29:1

Tuhin, sal intâng upa la um- sunhai le, thiempuhai le, zâwl- neihai le, mipui po po Jerusalema inthawka Babulona Nebukadnezzar- in sala a ṭhuoihai kuoma zâwlnei Jeremia lekhathawn thuhai chu hienghai hi an nih:

JEREMIA 29:15

“LALPA chun Babulona khawm chun zâwlneihai a hung siem tah a,” in ti leiin,

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chung- thua chun Israel Pathien, sipaihai LALPA chun hieng hin a tih: Ngai ta u, anni chu Babulon lal Nebukad- nezzar kuta chun pe suok ka ta, ama chun in mithmuah anni chu that a tih;

JEREMIA 29:23

Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

JEREMIA 37:9

LALPA chun hieng hin a tih: ‘Kaldaihai chun mi mâksan ta ngei an tih,’ tiin nang le nang inhlêm naw rawh; an fe hmang âwm si nawh a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk cheh a; I sal nina hung lakîr dingin, i suolna hlak an hmusuok thei si nawh a. Nanga ta dingin hlêmna le, teplo thu mei mei chau chu an hmupêk cheh a.

EZEKIEL 13:6

Anni chun teplo mei mei le vân tieng thil khêl thu an hmu a, LALPA- IN anni chu a tir naw sain, ‘LALPAIN a tih’ tiin an thu chu sukdet ni ngei dingin mihai an inbeiseitir a.

MIKA 2:11

Mumal neilo le indik nawtaka, “Uoin le zu thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

LUKA 6:26

“Mi po poin an inpâk pha cheu in chung la rik a tih; chuong ang bawkin an thlatuhaiin zâwlnei tehlêmhai chungah an thaw hlak kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

EPHESI 4:14

Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak sih a.

2 THESSALONIKA 2:3

Tûkhawmin iengkhawmin hlêm naw raw se cheu; tlûksanna chu a hung tlung hmasa zeta, Dân Bawsepa, bohmang naupa chu, a hung inlang naw chun, chu Ni chu tlung si naw nih a.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

THUPUONGSUO 13:14

Hnuoia umhai kuomah, Sa- hrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.