JEREMIA 29:32 - Pathien Lekhabu Inthieng (BSI)

³² LALPA chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw nih a, ka mihai laia thil ṭha ka thaw khawm chu hmu bawk naw ni, LALPA chun a tih: LALPA chunga helna thu a lo hril ta leiin,” tiin.

JEREMIA 29:32 ပူးပေါင်းရင်းမြစ်များ

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, LALPA thuin, ‘Bei dâm fah a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

2 LALHAI 5:27

Chuongchun, Naaman inphâr- na khan man a ti cheh a, kumkhuoin i thlahai khawm man pei a tih,” a ta. Chuongchun, a kuoma inthawk chun vûr anga vâra inphârin a fe suok tah a.

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, LALPAIN vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

FESUOKNA 20:5

an kuoma chun kûnin an rawng i bâwl ding a ni nawh: LALPA i Pathien hi Pathien thikthusetak, pahai khawhlona chu nauhai chunga hung intlungtir hlaktu, a mi theida- tuhai chu an thla sâwng thum le sâwng li chen chunga khawm, hung intlungtir hlaktu le

ISAI 14:20

I ram i suksiet a, i khuoletuihai i that leiin anni laia phûmin um ve naw ti nih. Thil ṭha naw thawtuhai hming chu kumkhuoin sâm naw ni hai.

ISAI 14:22

Chun, anni chu thaw dingin tho ka tih, sipaihai LALPA chun a tih; Babulona inthawka hming le a la um sunhai le, naupa le a naupa naupa chu sukbohmang ka tih, LALPAIN a tih.

JEREMIA 17:6

Ama chu thlalêra hlobuk ang nîng a ta, thil ṭha hung tlung khawm chu a hmu âwm si nawh a; amiruok- chu, thlalêra chun hmun ṭâwl lai lai chu hluong a ta, hluo ngai lo, chilung ram chu.

JEREMIA 20:6

Chun, nang Pas-hur le i ina chênghai po po chu sala ṭhuoiin um in ta; Babulona chun fêng i tih; chutaka chun thîng i ta, chutaka phûm chu nîng i ta, nang le i ruolhai po po an kuoma thu indik lotaka i lo hril hlakhai le chun,” tiin.

JEREMIA 22:30

LALPA chun hieng hin a tih: Hi pa hi nau boah, a dam sûnga mi hlawtling ngai lo dingin ziek rawh, ama chia mi hrim hrim hi tukhawm hlawtling ngai naw ni hai; David lalṭhungphaa ṭhung thua le, Juda rama ro la rêl pei ding thuah.

JEREMIA 28:16

Chuleiin, LALPA chun hieng hin a tih: Ngai ta, leihnuoi chunga in- thawk hin ka tir hmang ding che a nih; LALPA kala khêlthu i hril leiin, tu kum hin i thi ding a nih,” tiin.

JEREMIA 29:24

Chun, Nehelam mi Semaia chungthua chun hieng ang hin thu hril i tih:

JEREMIA 30:1

Jeremia kuoma LALPA thu hung tlung chun hieng hin a tih:

JEREMIA 35:19

sipaihai LALPA, Israel Pathien chun hieng hin a tih: Rekab naupa Jonadab hin kumkhuoin ka hmaa ngîr ding mi tlasam ngai naw ni,” tiin.

JEREMIA 36:31

Chun, ama le a thla le sie- hlawhai chu an suolna leiin hrem ka ta, chun, an chunga le, Jerusalem hluotuhai chunga le, Juda rama mihai chunga chun, an chunga tlung dinga ka hril, thil ṭha nawhai po po kha intlungtir ka tih; nisienla- khawm, an la ngai naw rawp a,” tiin.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, LALPA chu ka nih, ti mi hre tâng in tih.

AMOS 7:17

chuleiin, LALPA chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheiloin, Israel chu a rama inthawkin salah ṭhuoi hmang an tih,’ tiin,” a dawn a.

AMOS 9:10

Ka mihai mi suol po po, ‘Ṭhat nawna chun mi hnawt phâk naw nih a, mi nang bawk naw ni,’ tihai chu kâwlhnâmin thîng an tih.

DÂN PAHNINA 13:5

Chun, chu zâwlnei amanih, mang neitu amani chu sukhlum ding a nih. Aigupta rama inthawka ṭhuoisuoka, suoka inthawka intlantu cheu LALPA in Pathienin hraw ding thu a pêk cheu lampuia inthawka pêthmang dinga, LALPA in Pathien chunga helna thu a hril leiin. Chuong ang chun nangni laia thil ṭha naw chu in sukbo ding a nih.