JEREMIA 29:26 - Pathien Lekhabu Inthieng (BSI)

²⁶ “Thiempu Jehoiada aia chun LALPA chun thiempuah a siem ta cheh a, chuongchun, LALPA ina chun hotu nîng i ta, chun, mi tukhawm ân vêt a, ama le ama zâwlneia ân siem chun, ama chu intângna ina siein, kawl inbuntir i tih.

JEREMIA 29:26 ပူးပေါင်းရင်းမြစ်များ

2 LALHAI 11:15

Chun, thiempu Jehoiada chun sipai chunga hotua ruot sipai za hotuhai chu thu a pêk a, an kuomah, “Sipaihai kâra khan amanu kha in- suoktir ro, tukhawm ama zui ta- phawt chu kâwlhnâma sât hlum ding nîng a tih,” a ta; thiempu chun, “LALPA ina chu that ding a ni nawh,” a lo ti ta sih a.

2 LALHAI 11:18

Chun, chu rama mi po pohai chu Baal inah an feh a, an sukchim a; a mâichâmhai le a limhai chu an suk- nâwi vawng a; Baal thiempu Mattan khawm chu mâichâm bulah an that a. Chun, thiempu chun LALPA in vêngtu hotuhai a ruot a.

2 LALHAI 9:11

Chuongchun, kawt a hawng a, a tlân suok tah a. Chun, Jehu chu a pu upahai lai chun a hung suok a; pakhat chun a kuomah, “Ṭha tieng thu am a nih? Kha invêtpa kha i kuoma iengtiziea hung am a ni leh?” a ta. Chun, ama chun an kuomah, “In hriet mi a na, a thu hril khawm kha in hriet annâwm,” a ta.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum tah a; hi thil lei hin ama chunga chun a lunginsen sih a. Chun, Asa chun chuong lai chun mi ṭhenkhathai chu a lo nêksawr hle bawk a.

2 CHANCHIN SUINA 18:26

chun, ‘Hi mipa hi lunginah sie unla, thlamuongtaka ka hung nâwk hmakhat chun rimsikna tui le rim- sikna beiin ama hi châwm ro,’ lalin a tih, ti ro,” a ta.

JEREMIA 29:27

Chuleiin, tuhin ieng dinga Ana- thotha mi Jeremia in kuoma zâwlnei inti hi i kâwk naw am a na?

JEREMIA 38:28

Chuongchun, Jeremia chu vêng- tuhai kulbînga chun Jerusalem chu lâka a um ni chen chun a um tah a.

JEREMIA 38:6

Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût tah a; chuongchun, Jeremia chu khuopnahai le chun an infe thlâktir tah a. Chun, chu khurthim sûnga chun chirhak ti chau naw chu tui khawm a um nawh a, chuongchun, Jeremia chu chirhaka chun ân chie tah a.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau nei mi chu mi invêt a nih.

ZEKARIA 13:1

“Chu ni chun inthieng nawna le suolnaa dingin, David sûng- kuo le Jerusalema chêngtuhai ta dingin tuikhur hawngpêk nîng a tih,”

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk cheh a?” an ta.

MARKA 3:21

Chun, a sûnghai chun chu chu an hriet a, “ân vêt a ni chu tie,” tiin, ama man tumin an inthawk a.

JOHAN 10:20

A ṭhen tamtakin, “Khawhri a zâwl a, ân vêt a ni hi; iengdinga a thu in ngai am a na?” an ta.

JOHAN 10:33

Judahai chun a kuomah, “Sin ṭha chunga lunga dêng ding che kan ni nawh a; Pathien i hrilsietna chunga le, nang mihriem ni sih a, Pathiena în siem lei hin a ni lem a nih,” tiin an dawn a.

JOHAN 8:53

Kan thlatu Abraham nêkin i ropui lem am a nih? Ama khawm a thi tah, zâwlneihai khawm an thi tah; tuin am însiem leh?” an ta.

THILTHAWHAI 16:24

Chuong ang lâwma thu an pêk leiin rip sûngrilah a khum a, an kehaia chun thing kawl ân buntir a.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhril- siettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

THILTHAWHAI 26:24

Chun, chuong anga a thiemna thu a hril laiin, Festa chun rawl inringtakin, “Paula, în vêt a nih, în chûk tamin a sukvêt che a nih,” a ta.

THILTHAWHAI 26:25

Nisienlakhawm, Paula chun, “Festa ṭhatak, kân vêt nawh ie; thu indiktak le thu vartak ka hril lem a ni hi.

THILTHAWHAI 4:1

Chun, Peter le Johanin mihai kuomah thu an hril leiin, thiempuhai, biekin hotuhai, Saddu- kaihai chu an kuom an hung tlung phut a.

THILTHAWHAI 5:18

tirkohai chu an man a, vântlâng intângna inah an khum tah a.

THILTHAWHAI 5:24

Chun, Pathien biekin hotu le thiempu lalhaiin chuong thu chu an hrietin, “Hieng hi iengtin tak inphuong a ti maw?” tiin an thua chun an lunginzîng ta bêk bêk a.

2 KORINTH 11:33

chun, tukvera, kul hrûla chun bâwma thlâkin ka um a, chuongchun, a kuta inthawkin kân relhmang sawng tah a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.