JEREMIA 29:23 - Pathien Lekhabu Inthieng (BSI)

²³ Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

JEREMIA 29:23 ပူးပေါင်းရင်းမြစ်များ

INṬANNA 31:50

Ka naunuhmeihai hi i sukrim- sih a, ka naunuhmeihai ni lo nuhmei dang i nei chun, tukhawm ei kuoma hin an um nawha chu, en ta, Pathien chu kei le nanga kâra hretu a nih,” a tih a.

INṬANNA 34:7

Jakob naupasalhai chun an hriet phingleh phûla inthawk chun an hung a; chun, Jakob naunu zâlpuiin Israelhai laiah thil suol invêtthlâk- tak, thil thaw dêr lo ding chu a thaw ta leiin an lungngai a, an lunginsen ta êm êm a.

2 SAMUEL 13:12

Ama chun a dawn a, “Ni lo ve, ka ṭapa, mi thawlui naw rawh, Israelhai lai hin hieng ang thil hi thaw ding a ni nawh ie, hi thil suol invêtthlâktak hi thaw naw raw khai.

THUVARHAI 5:21

Mihriem lampuihai chu LALPA mithai hmaah a um sih a, Ama chun a lampuihai po po chu a siemruol hlak.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 16:17

An lampuihai po po chu ka mit chun a en zing a, ka hmaia inthawka thup an ni nawh a, ka mithmua inthawkin an suolnahai khawm chu thup a ni bawk nawh.

JEREMIA 23:14

Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 23:16

Sipaihai LALPA chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, LALPA baua inthawka mi chu ni loin.

JEREMIA 23:21

Hieng zâwlneihai hi ka tir nawh a, anachu, an tlân sih a; an kuoma chun thu khawm ka hril nawh a, anachu, anni chun thu an hril sih a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, LALPA chun a tih; anni chu ka tir nawh a, thu khawm ka pêk nawh a; hi hnam hi suksâwt chuong dêr bawk naw ni hai, LALPA chun a tih.”

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chung- thua chun Israel Pathien, sipaihai LALPA chun hieng hin a tih: Ngai ta u, anni chu Babulon lal Nebukad- nezzar kuta chun pe suok ka ta, ama chun in mithmuah anni chu that a tih;

JEREMIA 29:31

“Sal intânghai po po kuoma chun mi tir la. Nehelam mi Semaia chungthua chun LALPA chun hieng- hin a tih: Semaia chu ka tir loin, in kuoma chun thu hrilin, thukhêl chu a hung inawitir cheu leiin,

JEREMIA 5:8

Zîngkâra sakawr vaikhawphai ang an nih; mi tin chun a tuolbâwm nuhmei chu inhnarin an inhrâm a.

JEREMIA 7:11

Hi in ka hming chawi hi in mit- hmua chun inruhai pûk a lo ni ta a ni maw? Ngai ta u, keiin, keima ngeiin ka hmu tah, LALPA chun a tih.

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun LALPA chu thuhretu a ni sih a.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 3:14

“Chun, Laodikeia tirko kuoma chun hieng hin ziek rawh:— “Amen, thuhretu ringum le indik- tak, Pathien thilsiem bul khan, hieng thu hi a hril a nih;

RORELTUHAI 11:10

Gilead mi upahai chun Jepthah kuomah, “LALPA chu ei inkâra hretu nîng a ta, i thu ang chun thaw ngei ngei kan tih,” an tih a.