JEREMIA 27:9 - Pathien Lekhabu Inthieng (BSI)

⁹ Nisienlakhawm, nangni chung- thu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

JEREMIA 27:9 ပူးပေါင်းရင်းမြစ်များ

FESUOKNA 22:18

“Dawithiemnu chu a hring i phal ding a ni nawh.

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve tah a.

THUVARHAI 19:27

Ka naupa, hrietthiemna thuhaia inthawka pêthmangna ding chau a, Inchûktirnahai ngaithlâk hi tâwp san rawh.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:16

Sipaihai LALPA chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, LALPA baua inthawka mi chu ni loin.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, LALPA chun a tih; anni chu ka tir nawh a, thu khawm ka pêk nawh a; hi hnam hi suksâwt chuong dêr bawk naw ni hai, LALPA chun a tih.”

JEREMIA 29:8

Sipaihai LALPA Israel Pathien chun hieng hin a tih: Nangni laia in zâwlnei umhai le, in khawhri zâwl- haiin hlêm naw raw se cheu, chun, in manghai in imang khawm chu ring bawk naw unla.

EZEKIEL 21:29

an hremna nuhnungtak ding hun, mi rilo tâwpkhâwkhai ringa in- nghat ding ni tlung mêk zing laiin thilhmulâwk teplo hmupêk chein aisânna khêlhlip an hrilpêk che a nih.

DANIEL 4:7

Chun, mitvaidawithiemhai, ai- sânthiemhai, Kaldai mihai le vâng- hriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei nawh a.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si nawh a.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu sih a; manga mang- tuhai khawm chun khêl mei mei an mang a, a thlâwn elin an insukthla- muong a nih; chuleiin, berâm angin anni lampui chu an hrawh a, sukrimsikin an um hlak, berâmpu a um naw leiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

THILTHAWHAI 8:11

A dâwi hmangin sâwttak mak titaka a siem hlak leiin a thu an ngaisak a nih.

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak sih a.

DÂN PAHNINA 13:2

inchikna amanih, thilmak ama- nih an inentir cheu chu a hung tlung a, in hriet ngai naw, ‘Pathien dang zui ei tiu khai, an rawng bâwl ei tiu,’ in kuoma an ti chun,

DÂN PAHNINA 18:14

Chuong in va hluo ding rama hnamhai chun aisân le aien dâm an chîng hlak a, an pawm bawk a, nang- ni ta ding chun LALPA in Pathienin chuong ang thaw chu a phal naw a nih.

JOSUA 13:22

Beor naupa Balaam aisânthiem khawm Israel thlahaiin mi dang an thathai laia chun kâwlhnâmin an that sa ve a.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni sih a; i dâwiin hnam po po hlêm an ni kha.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

THUPUONGSUO 9:21

An tuolthathai khawm, an dawi hmanghai khawm, an indithai khawm, an inrûkhai khawm an sim chuong nawh.