JEREMIA 27:13 - Pathien Lekhabu Inthieng (BSI)

¹³ Babulon lal rawng bâwl lo ding hnam chungthua LALPAIN a lo hril ta angin, ieng dingin am nang le i mihai chu hripui dâmin, ṭâmin le kawlhnâma dâm chun thîng in ta?

JEREMIA 27:13 ပူးပေါင်းရင်းမြစ်များ

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 24:9

anni chu thil ṭha nawa hnung- tieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, LALPA chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 38:2

“Lalpa chun hieng hin a tih: Khawpui sûnga umhai chu kâwl- hnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

JEREMIA 38:20

Nisienlakhawm, Jeremia chun, “Nang chu pe suok naw ni hai che. LALPA râwl i kuoma thu ka hrilna hi awi el rawh, ka ngên che hi, chuong- chun, i ta dingin ṭhâng a ta, i hringna khawm hlain um a tih.

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

EZEKIEL 14:21

Lalpa PATHIEN chun hieng hin a ti sih a; ‘Ka rorêlna natak palihai kâwlhnâm, ṭâmna, ramsa tuor- hlaumhai le hripuihai hi Jerusalem chunga, amaa inthawka ramsa mi- hriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi riloin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw nih a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

EZEKIEL 18:31

In bawsietnahai po po, in lo bawsiet tahai chu, nangnia inthawk- in peihâwn unla, thlarau thar le lung- ril thar insiempêk unla, aw Israel sûngkuo, iengdingin am thîng in ta?

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.