JEREMIA 26:21 - Pathien Lekhabu Inthieng (BSI)

²¹ chun, lal Jehoiakim le, a mi hrâthai po po le, lalhai po poin a hril an hriet chun lal chun ama chu sukhlum a tum tah a; nisienla- khawm, Uria chun a lo hriet chun a ṭih a, a tlân a, Aigupta rama chun a fe tah a;

JEREMIA 26:21 ပူးပေါင်းရင်းမြစ်များ

1 LALHAI 18:10

LALPA i Pathien hringna sâlin ka hril a nih; ka pu hin nangma inzawngtir nawna hnam le ram hrim hrim a nei nawh i sawnnaw, ‘Hitaka hin a um nawh,’ an ti chun, an hmu naw che thuah ram le hnam chu ṭawng ân khâmtir pei a na.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum tah a; hi thil lei hin ama chunga chun a lunginsen sih a. Chun, Asa chun chuong lai chun mi ṭhenkhathai chu a lo nêksawr hle bawk a.

2 CHANCHIN SUINA 24:21

Chun, ama chu an phierrûk tah a, LALPA in inhuon tuolsûnga chun lal thupêkin an dêng hlum tah a.

INPÂKNA HLABU 119:109

Ka hringna hi ka kutah a um rawp hlak a, Nisienlakhawm, i dân chu ka theinghil ngai nawh a.

THUVARHAI 29:25

Mihriem ṭîna hin châng a hung siem a, LALPAA a ringna innghattu ruok chu him a tih.

JEREMIA 26:10

Juda ram lalhai chu chuong thuhai chu an lo hriet chun, lal ina inthawk chun LALPA ina chun an hung tâwl a; chuongchun, LALPA in dai kawtkhâr thar lûtnaa chun an ṭhung tâwl a.

JEREMIA 36:26

Chun, lal chun lal naupa Jerahmeel le, Azriel naupa Seraia le, Abdeel naupa Selemia chu lekhaziek- tu Baruk le zâwlnei Jeremia chu man dingin thu a pêk a; nisienlakhawm, LALPA chun anni chu a thup a.

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng nawh a, sietna ding a zawng lem a nih”, an ta.

MATTHAI 10:23

“Chuongchun, hi khuoa hin an suknawmna pha cheu, khaw dangah tlân san ro; titakzetin ka hril cheu hi, Mihriem Naupa a hung hmain Israel khuohai chu fang suok naw ti niu.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 10:39

Tukhawm a hringna hmu chun chân a ta; keia leia hringna chân chun hmûng a tih.

MATTHAI 14:5

Chun, Johan chu sukhlum a tum leh mipui a ṭih a, zâwlneiin an ruot si leiin.

MARKA 6:19

Chuleichun, Herodi chun ama chu a ngei naw rân el a, sukhlum a nuom a; nisienlakhawm, a thei si nawh a;