JEREMIA 25:32 - Pathien Lekhabu Inthieng (BSI)

³² Sipaihai LALPA chun hieng hin a tih: Ngai ta u, thil ṭha naw chu hnam khata inthawkin hnam dang chunga chun fe pei a ta, hnuoi tâwp- taka inthawk chun thlipui nasatak chu hung suok a tih.

JEREMIA 25:32 ပူးပေါင်းရင်းမြစ်များ

2 CHANCHIN SUINA 15:6

A tum tumin an insukdar vawng a, hnam chungah hnam dang, khaw- pui chungah khawpui dang; inhmêl- mâkna tinrêngin Pathienin anni chu a suklungsen tâwl sih a.

ISAI 30:30

Chun, LALPA chun a râwl ro- puitak chu inhriettir tâng a ta, a lunginsenna nasatak le thil kâng- hmang meichawkin, thlipui le ruopui le rielin, a kut thlâk dân chu inentir tâng a tih.

ISAI 34:2

LALPA chun hnam tinrêng chung- a chun lungninawna a neiin, an sipai- hai po po chunga chun lunginsenna a nei sih a; anni chu a sukbohmang vawng a, that dingin a pêk tah a.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

ISAI 66:18

An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

JEREMIA 23:19

Ngai ta u, LALPA thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 30:23

Ngai ta u, LALPA thlipui chu, a lunginsenna ngei chu, a fe suok a, mûtthieltu thlipui chu: mi rilo lu chunga chun hrâng a tih.

JEREMIA 6:22

LALPA chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

LUKA 21:10

Chun, an kuomah, “Hnam hran le hnam hran indo an ta, ram tum le ram tum indo an ta;

LUKA 21:25

“Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;