JEREMIA 23:3 - Pathien Lekhabu Inthieng (BSI)

³ Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 23:3 ပူးပေါင်းရင်းမြစ်များ

INPÂKNA HLABU 106:47

Aw LALPA, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

JEREMIA 16:15

amiruokchu, “LALPA hmâr tieng rama inthawk le, anni a hnawt hmangna ram po poa inthawka Israel thlahai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni sih a.

JEREMIA 29:14

Nangni ihmuin um ka ta, LALPA chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, LALPA chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:3

Ngai ta, nihai chu a hung tlung ta sih a, LALPA chun a tih; Ka mi Israelhai le Juda sal intângna chu inlêt nâwk tâng ka ta, LALPA chun a tih: an thlatuhai kuoma ram ka pêka chun hung inkîrtir nâwk ka ta, hluong an tih,” tiin.

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia in- thawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuong- chun, pâwl ropuitak chu hitieng hin hung kîr an tih.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 46:27

Nisienlakhawm, aw Jakob ka siehlaw, ṭi naw rawh, aw Israel, bei- dawng bawk naw rawh, ngai ta, hlataka inthawkin nang le, i chithla- hai chu sala an intângna rama inthawk chun ka sandam ding cheu a ni sih a; Jakob chu hung kîr nâwk a ta, to ṭawk ṭawk a ta, nuomsain um a tih, tukhawma sukṭi ta naw ni hai.

JEREMIA 50:19

Israel chu a tlatna hmuna chun hung ṭhuoi nâwk ka ta, Karmel le Basana chun tlâng a ta, a thla chu Ephraim le Gilead tlângahai chun lungawi tâwk tâng a tih.

JEREMIA 8:3

Chun, hi sûngkuo rilo la umsun- hai, ka hnawt hmangna hmuna la umhai chun, hring nêkin thi thlang lem an tih, sipaihai LALPA chun a tih.

EZEKIEL 11:17

Chuleiin, ‘Lalpa PATHIEN chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 36:11

in sûnga chun mihriem le sa khawm sukpung ka ta; pung an ta, ra hlâwk an tih; chun, a hmaa in lo um dân pângngai ang bawk khan hluoa um dingin siem ka ti che a, in um ṭantir lai nêk hman khan in chungah thaw ṭha lem ka tih; chun, LALPA chu ka nih ti mi hre tâng in tih.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

EZEKIEL 36:37

“Lalpa PATHIEN chun hieng hin a tih; Hi hi dinga khawm hin, an ta dinga thawpêk dingin, Israel sûng- kuo mi râwnin um bawk ka tih; anni chu berâm ruol angin mihriem sukpung ka tih.

LEVI DÂN 26:9

Ditsak ka ti cheu a, in kuomah ka thuthlung sukdet ka tih.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 7:12

Chu nia chun Assuria le Aigupta khawpuia inthawk dâm, Aigupta le Vadung tlung raka in- thawk dâm, tuisuoriet le tuisuoriet inkâra inthawk le, tlâng le tlâng inkâra inthawk dâm chun, i kuomah hung an tih.